વિદેશ કુટનીતિ / તાઈવાન પર કબજાના ચીનના મનસુબા પર પાણી ફેરવી દીધું બાયડને, જિનપિંગને ધમકી આપતા US પ્રમુખે કર્યું મોટું એલાન

• અમેરિકી રાષ્ટ્રપતિ જો બાયડનની ચીનને ખુલ્લી ચેતવણી
• તાઈવાન પર હુમલો કરશો તો કરીશું લશ્કરી કાર્યવાહી
• શી જિનપિંગ ખતરા સાથે ખેલી રહ્યાં છે

છેલ્લા કેટલાક સમયથી ચીન તાઈવાન પર કબજો જમાવવાની કોશિશ કરી રહ્યું છે. ચીન કોઈ પણ ભોગે તાઈવાનને પોતાના દેશમાં ભેળવી દેવા માગે છે અને આ માટે તે અવાનનવાર લશ્કરી ગતિવિધિઓ કરતું રહ્યું છે. પરંતુ હવે ચીનને તેની આ હરકત ભારે પડશે કારણ કે અમેરિકાએ સીધી ચેતવણી આપીને તેને પરિણામો ભોગવવાની ધમકી આપી છે. 

Indo-Pacific covers half the world's population, over 60% of global GDP & nations represented here today & those who join this framework in future are signing up to work toward an economic vision that'll deliver for all our people: US Pres at Indo-Pacific Economic Framework event pic.twitter.com/NkEv7mVFZ8

— ANI (@ANI) May 23, 2022

 વન ચાઈના પોલિસી પર સહમતિ પણ તાઈવાનને બળજબરીથી છીનવી ન શકાય 
અમેરિકાના રાષ્ટ્રપતિ જો બાયડન ચીનને કહ્યું છે કે શી જિનપિંગ તાઇવાનને લઈને ખતરા સાથે રમી રહ્યા છે. જો ચીન તાઈવાન પર આક્રમણ કરશે તો તેનો લશ્કરી રીતે જવાબ આપવામાં આવશે. તેમણે કહ્યું છે કે તાઇવાનને બળજબરીથી છીનવી શકાય છે તેવી ચીનની વિચારસરણી ચીનની ગેરસમજ છે. તેમણે કહ્યું કે, ભલે અમેરિકાએ વન ચાઈના પોલિસી પર સહમતિ દર્શાવી છે, પરંતુ તેમાં સહી પણ કરી છે, પરંતુ તાઈવાનને બળપ્રયોગથી છીનવી શકાય છે તેવું વિચારવું ખોટું છે.

ચીની હુમલાના કિસ્સામાં અમેરિકા તાઈવાનની મદદ કરશે 
અમેરિકી રાષ્ટ્રપતિએ કહ્યું કે, જો ચીન સ્વશાસિત તાઈવાન દ્વીપ પર હુમલો કરશે તો અમેરિકા તાઈવાનની સૈન્ય મદદ કરશે. જો બિડેને ચીનને ચેતવણી આપી છે કે તે ખતરા સાથે રમી રહ્યું છે.

બાયડનને પૂછાયું હતું ચીન તાઈવાન પર હુમલો કરે તો શું કરશો 
બાયડનની આ ચેતવણી એવે સમયે આવી કે જ્યારે તેમને પૂછવામાં આવ્યું હતું કે જો ચીન બળજબરીથી તાઇવાન પર નિયંત્રણ મેળવવા માંગે છે, તો શું અમેરિકા લશ્કરી રીતે દખલ કરશે. બિડેને કહ્યું કે રશિયાના યુક્રેન પર આક્રમણ બાદ સ્વશાસિત ટાપુની રક્ષા માટે દબાણ વધ્યું છે. તેમણે કહ્યું કે તાઇવાન સામે બળનો ઉપયોગ કરવાનું ચીનનું પગલું માત્ર અયોગ્ય જ નહીં પરંતુ સમગ્ર ક્ષેત્રને વિસ્થાપિત કરશે અને યુક્રેનમાં કરવામાં આવેલી કાર્યવાહી જેવું જ હશે. વન ચાઇના' નીતિ હેઠળ અમેરિકા બેઇજિંગને ચીનની સરકાર તરીકે માન્યતા આપે છે અને તાઇવાન સાથે રાજદ્વારી સંબંધો ધરાવતું નથી. જોકે, તાઇવાન સાથે તેમનો અનૌપચારિક સંપર્ક છે. યુ.એસ. ટાપુની સુરક્ષા માટે લશ્કરી સાધનો પણ પૂરા પાડે છે.

શું છે ઈરાદો ચીનનો
ઉલ્લેખનીય છે કે ચીન ઘણા લાંબા સમયથી તાઈવાન પર કબજો જમાવવાની કોશિશ કરી રહ્યું છે પરંતુ તાઈવાન પણ ગાંજ્યો જાય તેવો દેશ નથી તે પણ ચીનની હરકતને જડબાતોડ જવાબ આપી રહ્યું છે. ચીનની આ ઈચ્છા હજુ સુધી પાર પડી નથી અને હવે અમેરિકાએ પણ તાઈવાનને ટેકો જાહેર કરી દીધો છે.