જમ્મુ -કાશ્મીરને લઈને અમેરિકાની નીતિમાં કોઈ ફેરફાર કરવામાં આવ્યો નથી
અમેરિકાન રાષ્ટ્રરતિ જો બાયડન પ્રસાશન તરફથી કહેવામાં આવ્યું છે કે તેમની જમ્મુ -કાશ્મીર સંબંધી નીતિમાં કોઈ ફેરફાર નહીં કરવામાં આવે. સાથે અમેરિકાએ ઘાટીમાં 4જી નેટવર્ક સેવાનું સ્વાગત કર્યુ છે. અમેરિકન વિદેશ મંત્રાલયના પ્રવક્તા નેડા પ્રાઈસે પત્રકારો સાથેની વાતચીતમાં કહ્યું કે,‘હું સ્પષ્ટ કરી દેવા માંગુ છુ કે જમ્મુ -કાશ્મીરને લઈને અમેરિકાની નીતિમાં કોઈ ફેરફાર કરવામાં આવ્યો નથી.’
આ પહેલા અમેરિકન વિદેશ મંત્રાલયના દક્ષિણ તથા મધ્ય એશિયા બ્યૂરોએ ટ્વીટ કરી જમ્મુ - કાશ્મીરમાં 4જી ઈન્ટરનેટ સુવિધાનું સ્વાગત કર્યુ છે. ટ્વીટમાં કહ્યું છે કે ભારતના જમ્મુ -કાશ્મીરમાં 4જી ઈન્ટરનેટ સુવિધા શરુ કરવાના પગલાનું સ્વાગત છે. આ સ્થાનીય નિવાસિયોની સાથે એક મહત્વપૂર્ણ પગલુ છે અને અમે રાજ્યમાં સામાન્ય સ્થિતિ સ્થાપિત કરવા માટે રાજનીતિક તથા આર્થિક પ્રગતિ જારી રાખવાને લઈને આશાવાન છીએ,
આ કારણે લગાવ્યું હતુ Ban
સમગ્ર જમ્મુ - કાશ્મીરમાં 5 ફેબ્રુઆરીથી 4જી મોબાઈલ ઈન્ટરનેટ સેવા પુનઃ સ્થાપીત કરી દેવામાં આવી છે. ઓગસ્ટ 2019માં કેન્દ્ર સરકારમાં જમ્મુ- કાશ્મીરના વિશેષ રાજ્યનો દરજ્જો હટાવીને કેન્દ્ર શાસિત પ્રદેશો બનાવી દેવાયા હતા. તે બાદ સુરક્ષાને ધ્યાનમાં રાખીને 4જી ઈન્ટરનેટ સેવા બંધ કરી દેવામાં આવી હતી. રાજ્યમાં ઈન્ટરનેટની સ્પીડ ઓછી હોવાને કારણે લોકોને સમસ્યાનો સામનો કરવો પડ્યો. જો કે આતંકી નેટવર્કને નબળુ પાડવા માટે આ મહત્વનું પગલુ સાબિત થયું.
પાકિસ્તાને નિરાશા વ્યક્ત કરી
પાકિસ્તાને જમ્મુ -કાશ્મીરને લઈને અમેરિકન નિવેદન પર નિરાશા વ્યક્ત કરી છે. પાકિસ્તાનના વિદેશ મંત્રાલયે પ્રતિક્રિયા વ્યક્ત કરતા કહ્યું કે જમ્મુ- કાશ્મીરના દરજ્જાને સંયુક્ત રાષ્ટ્ર સુરક્ષા પરિષદના અનેક પ્રસ્તાવોમાં અને આંતરરાષ્ટ્રીય સમુદાયોના માધ્યમથી વિવાદિત મનાયું છે. તેવામાં આ ઉલ્લેખ અસંગત છે.
આ કારણે ખુશ હતા ઈમરાન ખાન
પાકિસ્તાને જો બાયડનને પોતાના બીજી સર્વોચ્ચ નાગરિક સન્માન ‘હિલાલ-એ-પાકિસ્તાન’થી સન્માનિત કર્યા છે. આ સન્માન તેમને સતત પાકિસ્તાનનું સમર્થન કરવા બદલ મળ્યું છે. ઉલ્લેખનીય છે કે 2008માં જ્યારે બાયડનને આ સન્માન મળ્યું તેના થોડાક મહિના પહેલા જ બાયડન અને સેનેટર રિચર્ડ લૂગર પાકિસ્તાનને દર વર્ષે દોઢ બિલિયન ડોલરની બિન સેન્ય મદદનો પ્રસ્તાવ લાવ્યા હતા. લુગરને પણ ‘હિલાલ-એ-પાકિસ્તાન’આપવામાં આવ્યો હતો. સાથે બાયડનને કાશ્મીરને લઈને પાકિસ્તાનને પસંદવાળા નિવેદનો આપ્યા હતા. એટલા માટે પાકિસ્તાનના પ્રધાનમંત્રી ઈમરાન ખાનને આશા હતી કે અમેરિકન રાષ્ટ્રપતિ બન્યા બાદ બાયડનનો કુણું વલણ તેમના તરફ હશે. બાયડનની જીત પર પાકિસ્તાને ખુશી વ્યક્ત કરી હતી. પરંતુ યુએસ પ્રેસિડેન્ટે તેમની આ ખુશી એક જ ઝટકામાં ગાયબ કરી દીધી છે.