અમેરિકામાં રાષ્ટ્રપતિ ચૂંટણી માટે મતની ગણતરી હજી ચાલી રહી છે અને હાલમાં અત્યારે કાંટાની ટક્કર જોવા મળી રહી છે. આ વચ્ચે રિપબ્લિકન અને ડેમોક્રેટ્સ તરફથી રાષ્ટ્રપતિ પદના ઉમેદવારો વચ્ચે નિવેદનો દ્વારા પ્રહાર કરવામાં આવી રહ્યાં છે. રાષ્ટ્રપતિ ચૂંટણીમાં જીતની નજીક પહોંચેલા જો બાઇડેને આ વચ્ચે એક મોટું એલાન કરી દીધું છે. બાઇડેનને કહ્યું કે તેમની સરકાર બનશે તો અમેરિકા પેરિસ એગ્રીમેંટમાં ફરી સામેલ થઇ જશે.
ઉલ્લેખનીય છે કે બુધવારે જ અમેરિકા સત્તાવાર રીતે પેરિસ કલાઇમેટ એગ્રીમેંટથી બહાર થયું છે. ડોનાલ્ડ ટ્રમ્પે ઘણા પહેલા જ આ અંગેનું એલાન કરી દીધુ હતુ અને હવે બધી કાયદાકીય પ્રક્રિયા પુરી થઇ ગઇ છે.
ડેમોક્રેટ્સ તરફના ઉમેદવાર જો બાઇડેને ટ્વિટ કરી લખ્યું, 'આજે ટ્રમ્પ તંત્ર દ્વારા સત્તાવાર રીતે પેરિસ ક્લાઇમેટ એગ્રિમેંટ છોડી દીધુ છે. પરંતુ 77 દિવસ પછી બાઇડેન તંત્ર તેમાં બીજી વખત સામેલ થશે.'
Today, the Trump Administration officially left the Paris Climate Agreement. And in exactly 77 days, a Biden Administration will rejoin it. https://t.co/L8UJimS6v2
ઉલ્લેખનીય છે કે ડોનાલ્ડ ટ્રમ્પ તરફથી આરોપ લગાવામાં આવ્યો હતો કે ક્લાઇમેટ ચેંજ માટે સૌથી વધારે રકમ અમેરિકા આપે છે, પરંતુ ક્લાઇમેટને સૌથી વધારે નુકસાન ભારત, ચીન જેવા દેશ પહોંચાડે છે.
તેવામાં આ દેશોએ પણ અમેરિકા જેટલી રકમ આપવી જોઇએ, એટલું કહ્યાં બાદ ડોનાલ્ડ ટ્રમ્પે પેરિસ એગ્રીમેંટમાંથી બહાર નીકળવાની જાહેરાત કરી હતી. આ એગ્રીમેંટ પર બરાક ઓબામાએ સહી કરી હતી.