અમેરિકા / 10 જ દિવસમાં બીજીવાર કોરોના પોઝિટિવ થયા જૉ બાયડન, વીડિયો શેર કરીને કહ્યું મજામાં છું 

• અમેરિકી રાષ્ટ્રપતિ જો બિડેન ફરી એકવાર કોરોના સંક્રમિત
• મંગળ, બુધ, ગુરુ અને શુક્રવારે રિપોર્ટ નેગેટિવ, શનિવારે ફરી ફરી પોઝિટિવ 
• જો બિડેનનો મંગળવારે મિશિગન જવાનો કાર્યક્રમ રદ કરવામાં આવ્યો 

કોરોના વાયરસે સમગ્ર દુનિયામાં હાહાકાર મચાવ્યો છે, તેવામાં અમેરિકી રાષ્ટ્રપતિ જો બિડેન ફરી એકવાર કોરોના સંક્રમિત હોવાનું જાણવા મળ્યું છે. આ વાતની પુષ્ટિ કરતા વ્હાઇટ હાઉસના ચિકિત્સક ડૉ કેવિન ઓ'કોનોરે કહ્યું છે કે, રાષ્ટ્રપતિ જો બિડેન સંપૂર્ણપણે સ્વસ્થ છે અને સ્વસ્થ છે. આ રિબાઉન્ડનો કેસ છે, જેમાં રાષ્ટ્રપતિએ કોઈ લક્ષણો દર્શાવ્યા નથી.

અમેરિકા વ્હાઇટ હાઉસના ચિકિત્સક કેવિન ઓ'કોનોરના સત્તાવાર નિવેદન અનુસાર, ફરી એકવાર અમેરિકી રાષ્ટ્રપતિ જો બિડેનને આઇસોલેશનમાં રહેવું પડશે. હાલમાં આ વખતે બિડેનને ઓછામાં ઓછા પાંચ દિવસ માટે આઈસોલેશનમાં રાખવામાં આવશે. આ અઠવાડિયે બુધવારે તેમનો કોરોના રિપોર્ટ નેગેટિવ આવ્યો હતો.

21 જુલાઈના રોજ કોરોના સંક્રમિત મળી આવ્યા હતા

અમેરિકી રાષ્ટ્રપતિ જો બિડેનને 21 જુલાઈના રોજ કોરોના સંક્રમિત મળ્યા બાદ જ આઈસોલેશનમાં રાખવામાં આવ્યા હતા. આ દરમ્યાન તેમનામાં ચેપના કેટલાક લક્ષણો પણ જોવા મળ્યા હતા. હાલમાં આ અઠવાડિયે મંગળવારે સાંજે, બુધવારે સવારે, ગુરુવારે સવારે અને શુક્રવારે સવારે તેમનો કોરોના ચેપનો રિપોર્ટ નેગેટિવ આવ્યો હતો. આ સાથે રાષ્ટ્રપતિ જો બિડેનનો શનિવારે મોડી રાત્રે કરવામાં આવેલા કોરોના ચેપનો એન્ટિજેન રિપોર્ટ ફરી એક વખત પોઝિટિવ આવ્યો છે.

A quick update. pic.twitter.com/FgT1sGlZCY

— President Biden (@POTUS) July 30, 2022

આગામી કાર્યક્રમો કરાયા રદ 

કોરોના સંક્રમિત થયા પછી પણ જો બિડેન (યુએસ પ્રેસિડેન્ટ જો બિડેન) વ્હાઇટ હાઉસથી તેમની બેઠકોમાં વીડિયો કોન્ફરન્સિંગ દ્વારા ભાગ લઈ રહ્યા છે. આ સાથે,વ્હાઇટ હાઉસ દ્વારા કહેવામાં આવ્યું છે કે.તેઓ રાષ્ટ્રપતિ બિડેનને અલગ રાખવાનું ચાલુ રાખશે. જેના કારણે હવે રવિવારે સવારે વિલમિંગ્ટન સ્થિત તેમના ઘરે જવાનો કાર્યક્રમ તેમજ મંગળવારે મિશિગન જવાનો કાર્યક્રમ રદ કરવામાં આવ્યો છે.