પ્રેસિડેન્શીયલ ડિબેટ દરમ્યાન અમેરિકાના રાષ્ટ્રપતિ ડોનાલ્ડ ટ્રમ્પે આપેલ નિવેદન તેમને ભારે પડતું દેખાઈ રહ્યું છે. ડેમોક્રેટિક ઉમેદવાર બાઈડેને કહ્યું કે મિત્રો વિશે આ રીતે વાત કરવી જોઈએ નહીં.
ટ્રમ્પના ભારત વિરોધી નિવેદન પર ભડક્યાં બાઈડેન
આ રીતે પોતાના મિત્રો સાથે વાત ન કરવી જોઈએ : બાઈડેન
પ્રેસિડેન્શીયલ ડિબેટ દરમ્યાન ટ્રમ્પે ભારતની હવાને ગંદી ગણાવી
અમેરિકામાં રાષ્ટ્રપતિ પદ માટે ચૂંટણી યોજાઈ રહી છે અને તેમાં જીતવા માટે ટ્રમ્પ અને બાઈડેન ધૂમ પ્રચાર કરી રહ્યા છે. એવામાં બંનેની નજર અત્યારે અમેરિકી ભારતીય વોટ પર છે. ટ્રમ્પ અને બાઈડેન બંને ભારતીયોના વોટ માટે ઘણા નિવેદન આપી રહ્યા છે જોકે ટ્રમ્પના હાલના એક નિવેદન બાદ ભારે વિવાદ શરુ થયો છે.
અમેરિકાના રાષ્ટ્રપતિ ટ્રમ્પે ડિબેટમાં ભારતને ગંદુ ગણાવ્યું હતું જેના પર બાઈડેન ભડકી ઉઠ્યા છે. તેન્બે કહ્યું કે આ રીતે પોતાના મિત્રો વિશે વાત કરવી જોઈએ નહીં.
બાઈડેને કહ્યું કે તે અને કમલા હેરિસ, અમેરિકાની સાથે ભારતની મિત્રતાનું સન્માન કરીએ છે. રાષ્ટ્રપતિ ટ્રમ્પે ભારતને ગંદુ દેશ ગણાવ્યું. આ રીતે પોતાના મિત્ર વિશે વાત કરવી ન જોઈએ અને આ રીતે જળવાયુ પરિવર્તન જેવા વૈશ્વિક પડકારોનો સામનો થઇ શકે નહીં.
ડોનાલ્ડ ટ્રમ્પે બે દિવસ પહેલા કહ્યું હતું કે ચીનને જોવો કેટલું ગંદુ છે, રશિયાને જોવો, ભારતને જોવો ત્યાની હવા કેટલી ગંદી છે.
ઇન્ડિયા વેસ્ટ નામના એક સાપ્તાહિકમાં પોતાના લેખને રિટ્વિટ કરતા બાઈડેને કહ્યું કે કમલા અને હેરિસ અને હું સંબંધોને ખૂબ મહત્વ આપીએ છે ને અમારી વિદેશનીતિમાં તે કેન્દ્રમાં રહેશે. તેમણે કહ્યું કે જો તે રાષ્ટ્રપતિ ચૂંટાઈ આવે છે તો અમેરિકા અને ભારત આતંકવાદના બધા રૂપો સામે શાંતિ અને સ્થિરતાને પ્રોત્સાહન આપવા માટે કામ કરશે.
તેમણે કહ્યું કે અમે એવું ક્ષેત્ર બનાવીશું જ્યાં ચીન કે અન્ય કોઈ દેશ પોતાના પડોશી દેશને ચેતવણી આપી શકે નહીં. અમે બજારોને ખોલીશું અને અમેરિકા તથા ભારતના મધ્યમ વર્ગને આગળ લાવવા માટે કામ કરીશું.