યુએસના પ્રમુખ બન્યા બાદ જો બાયડને ભારત સાથેની મિત્રતા જાળવી રાખી છે. બાયડન સરકારે ભારતને સૌથી શક્તિશાળી યુદ્ધ વિમાન એફ-15 ઈએક્સ આપવાની મંજૂરી આપી દીધી છે. પ્રમુખની મંજૂરી મળ્યા બાદ થોડા વખતમાં ઈન્ડીયન એરફોર્સને અમેરિકાનું સૌથી આધુનિક યુદ્ધ વિમાન મળશે.
યુએસના પ્રમુખ બન્યા બાદ જો બાયડને ભારત સાથેની મિત્રતા જાળવી રાખી
આગામી અઠવાડિયે બેંગ્લુરુમાં એરો ઈન્ડીયા 2021 માં 15 ઈએક્સ વિમાનને પ્રદર્શિત કરવામાં આવશે.
એફ-15 ઈએક્સ વધારે પ્રમાણમાં હથિયાર લઈ જવાની તથા અવાજ કરતા પાંચ ગણી વધારે ચાલનાર મિસાઈલને લઈ જવા સક્ષમ
બોઈંગ ઈન્ટરનેશનલ સેલ્સ એન્ડ ઈન્ડસ્ટ્રીયલ પાર્ટનરશીપના ઉપાધ્યક્ષ મારિયા એચ લેને આ વાતની પુષ્ટિ કરતા જણાવ્યું કે ભારત અને અમેરિકાની સરકાર વચ્ચે આ મુદ્દે ચર્ચા થઈ હતી. બન્ને દેશની એરફોર્સે એફ-15 ઈએક્સ અંગે માહિતીનું આદાનપ્રદાન કર્યું હતું. તેમણે કહ્યું કે અમેરિકી સરકારે ભારતને એફ-15ઈએક્સ વિમાન આપવાની અમારી વિનંતી સ્વીકારી લીધી છે.
તેમણે કહ્યું કે આગામી અઠવાડિયે બેંગ્લુરુમાં એરો ઈન્ડીયા 2021 માં 15 ઈએક્સ વિમાનને પ્રદર્શિત કરવામાં આવશે. અમેરિકાનું આ પગલું ભારત અને અમેરિકા વચ્ચેની દોસ્તી વધારે મજબૂત બનાવશે.
યુદ્ધ વિમાન એફ-15 ઈએક્સની ખાસિયત
- એફ-15 ઈએક્સ વધારે પ્રમાણમાં હથિયાર લઈ જવાની તથા અવાજ કરતા પાંચ ગણી વધારે ચાલનાર મિસાઈલને લઈ જવા સક્ષમ છે.
- દુશ્મનને થાપ આપીને તેની સરહદમાં ઘુસીને મોટા પાયે તબાહી મચાવી શકે છે.
- અત્યંત શ્રેષ્ઠ કક્ષાની ડિઝિટલ એન્જિનિયરિંગ અને સોફ્ટવેરથી સજ્જ આ વિમાનને દાયકા સુધી અપગ્રેડ કરી શકાય છે.
- દરેક મોસમમાં દુશ્મન પર ત્રાટકવાની ક્ષમતા ધરાવે છે.
- દિવસે કે રાતે ગમે તે સમયે ઉડાણ ભરીને દુશ્મનના દાંત ખાટા કરી શકે છે.
ભારત સૌથી મોટી લશ્કરી ખરીદી કરવાની તૈયારીમાં
ઈન્ડીયન એરફોર્સ એપ્રિલ 2019 માં લગભગ 1.30 લાખ કરોડના ખર્ચે 114 વિમાનોની ખરીદી માટે ટેન્ડર બહાર પાડ્યું હતું. આ વિમાનોની ખરીદીને તાજેતરના વર્ષોની દુનિયાની સૌથી મોટી ખરીદી ગણાવાઈ રહી છે.