અરેરાટી / જોધપુર: મિની ટૂરિસ્ટ બસ અને ટ્રેલર વચ્ચે ગોઝારો અકસ્માત, 5 લોકોના કમકમાટીભર્યા મોત

• રાજસ્થાનના જોધપુરમાં ગમખ્વાર અકસ્માત
• 5 લોકોના કમકમાટીભર્યા મોત 
• બચાવ કામગીરી યુદ્ધના ધોરણે શરૂ 

પ્રાપ્ત થતી જાણકારી પ્રમાણે, આ દુર્ઘટના જોધપુરના ફલોદીમાં થઇ હતી. જેમાં મિની ટૂરિસ્ટ બસ અને ટ્રેલર વચ્ચે જોરદાર અથડામણ થઈ હતી. જેમાં 5 લોકોના ઘટના સ્થળે જ કમકમાટીભર્યા મોત થયાં હતા અને 6 બાળકો સહિત 12 લોકોને ગંભીર ઇજાઓ પહોંતી હતી. 

બચાવ કામગીરી શરૂ 

પ્રાપ્ત થતી જાણકારી પ્રમાણે, મરનાર તમામ લોકો દિલ્હીના રહેવાસી છે અને હાલ સ્થાનિક પોલીસને જાણ થતાં જ ઘટના સ્થળે પહોંચી છે અને બચાવ કામગીરી હાથ ધરવામાં આવી છે. 

ઘટનામાં 5 લોકોના મોત

પોલીસના જણાવ્યા પ્રમાણે, જોધપુર જિલ્લાના બાપ વિસ્તારમાં વહેલી સવારે એક ભીષણ માર્ગ અકસ્માતની ઘટના સર્જાઇ હતી. આ ઘટનામાં 5 લોકોના મોત થયાં છે અને 6 બાળકો સહિત 12 લોકો ઘાયલ થઈ હતી. પોલીસ અધિકારી હરિસિંહ રાજપુરોહિતે જણાવ્યું કે, દિલ્હીથી આવેલા મુસાફરો મિની બસમાં જૈસલમેર જઈ રહ્યા હતા. ત્યારે NH-11 પર ગાડના ગામ નજીક એક ટ્રોલી સાથે અથડામણ થઈ હતી. 

મિની બસના ફુરચે-ફુરચા ઉડ્યા

આ ટક્કર એટલી ભયંકર હતી કે, મિની બસના ફુરચે-ફુરચા ઉડી ગયા હતા. બસમાં સવાર લોકો પૈકી 5 લોકોના કમકમાટી ભર્યા મોત થયાં હતા. 

આ ઘટનાને પગલે સ્થાનિકો તાત્કાલિક અસરથી દોડી આવ્યા હતા અને બચાવ કામગીરી હાથ ધરી હતી. હાલ કેટલાક ઘાયલોને તાત્કાલિક અસરથી હોસ્પિટલ  સારવાર અર્થે ખસેડવામાં આવ્યા હતા.