GOOD NEWS / નોકરી શોધતા યુવાનો માટે ખુશખબર: જૂલાઈથી વધશે નવી ભરતીઓ, 3 મહિનામાં 50 ટકા હાયરિંગ થશે

• નોકરી શોધતા યુવાનો માટે ખુશખબર
• આવનારા ત્રણ મહિનામા આવશે મોટી ભરતી
• આ સેક્ટરમાં નવી નોકરીઓ આવશે

આવનારા ત્રણ મહિનામાં મોટી સંખ્યામાં લોકોને નોકરીઓ મળવાની છે. હકીકતમાં જોઈએ તો, રિક્રૂટમેંટ કંપની સ્પેક્ટ્રમ ટેલેન્ટ મેનેજમેન્ટના આંકડા અનુસાર, આગામી ત્રિમાસિક (જૂલાઈ-સપ્ટેમ્બર)માં મોટી સંખ્યામાં હાયરિંગ વધવાની સંભાવના છે. કેટલાય સેક્ટરમાં નોકરીઓમાં 25થી 90 ટકા સુધી નોકરીઓ વધશે. આવનારા ત્રિમાસિકમાં 50 ટકા સુધી હાયરિંગ થવાની સંભાવના વ્યક્ત કરવામાં આવી છે. આઈટી, ટેલીકોમ, FMCG અને હેલ્થકેરમાં ત્રિમાસિક દર ત્રિમાસિક અને વર્ષ દરમાં હાયરિંગ વધવાની છે.

આ સેક્ટર્સમાં 25 ટકાથી લઈને 90 ટકા સુધી હાયરિંગ વધવાની સંકેતો મળી રહ્યા છે. મેન્યુફેક્ચરિંગ, ઓટોમોટિવ અને ઈપીસી જેવા અમુક અન્ય સેક્ટર ગત વર્ષે કોવિડ જેવી અડચણોના કારણએ હાયરિંગ કરી શકી નહોતી. પણ હવે આ સેક્ટર્સ પર નજર રાખવાની જરૂર છે. કારણ કે, આ વર્ષે હાયરિંગ સિનારિયો બદલવાની આશા છે. કોરોના વાયરસના કારણે આ સેક્ટર્સ પર મોટી અસર પડી છે. આ કારણે ગત બે વર્ષમાં ભરતીઓ જોવા મળી નથી. પણ હવે હાલત સુધરી રહી છે અને આશા વ્યક્ત કરાઈ છે કે, અહીં નોકરીઓ વધારે મળશે.

કોવિડ બાદ ભરતી વધી

સ્પેક્ટ્રમ ટેલેન્ટ મેનેજમેન્ટના ડાયરેક્ટર સિદ્દાર્થ અગ્રવાલે કહ્યું છે કે, મહામારીના કારણે બે વર્ષનો ગેપ રહ્યો પણ હવે ભરતીમાં ઉછાળો આવવાની આશા વ્યક્ત થઈ રહી છે. જે ગત વર્ષની સરખામણીમાં વધારે છે. નજર કરીએ તો, ગત વર્ષની સરખામણીમાં ખાસ કરીને એન્ટ્રી લેવલ જોબમાં હાયરિંગ સેન્ટીમેંટ પહેલા કરતા 45 ટકાનો સુધારો જોવા મળ્યો છે. તેમણે કહ્યું કે, ડિજિટલાઝેશન અને ઓટોમેશનમાં થયેલા સુધારા ઉપરાંત BFSI અને આઈટી સેક્ટરમાં સૌથી મોટી હાયરિંગ થવાની છે.

બજારમાં સ્થિરતા બાદ ભરતીમાં થયો વધારો

અગ્રવાલે કહ્યું છે કે, માર્કેટમાં ટેલેન્ટની કમી હોવાના કારણે કંપનીઓ અમુક ફુલ સ્ટેક રિટેંશન રણનીતિ પર ધ્યાન કેન્દ્રીય કરી રહી છે. આ હાઈ પરફોર્મ કરનારા લોકો અને આવા લોકોના પક્ષમાં કામ કરે છે. જે આવનારા અમુક મહિનામાં ફેરફાર કરવાનું વિચારી રહ્યા છે. કોવિડ બાદ કંપનીઓ પડકારોનો સામનો કરી રહી છે. જો કે, બજારમાં સ્થિરતા આવતા હાયરિંગમાં વધારો જોવા મળી રહ્યો છે. આ ઉપરાંત ડિજિટલાઈઝેશનના કારણે દરેક કંપની પ્રતિસ્પર્ધામાં આગળ રહેવાનારા કર્મચારીઓની સંખ્યા વધી રહી છે.