ચારે તરફ મોંઘવારી અને બેરોજગારીની વચ્ચે ગુજરાતના યુવાનો માટે આશાનું એક નાનકડું કિરણ ચમક્યું છે. વિવિધ કંપનીઓ હવે પણ યુવાનોની ભરતી કરી રહી છે ત્યારે ગુજરાત હાઈકોર્ટે પણ મોટા પગારવાળી પ્રાઈવેટ સેક્રેટરીની 15 જગ્યાઓ ભરવા માટેની જાહેરાત કરી દીધી છે.
ગુજરાત હાઈકોર્ટે પ્રાઈવેટ સેક્રેટરીની પોસ્ટ માટે મંગાવી અરજીઓ
ગુજરાત હાઈકોર્ટે પ્રાઈવેટ સેક્રેટરીની પોસ્ટ માટે ખાલી પડેલી 15 જગ્યાઓ માટે પાત્ર ઉમેદવારો પાસેથી ઓનલાઇન અરજીઓ મંગાવી છે. કોઈ પણ માન્ય યુનિવર્સિટીમાંથી સ્નાતક થયેલા ઉમેદવારો પ્રાઈવેટ સેક્રેટરીની જગ્યા માટે અરજી કરી શકે છે.
Job vacancies in Gujarat High Court, apply before May 31
ગુજરાત હાઈકોર્ટમાં પ્રાઈવેટ સેક્રેટરી તરીકે નિયુક્તી થનાર ઉમેદવારોને નિયમો અનુસાર 44,900-1,42,400 રૂપિયા પે મેટ્રિક્સ વત્તા સામાન્ય ભથ્થા સહિતનો પગાર મળશે. ઓનલાઇન અરજી સબમિટ કરવાની અંતિમ તારીખ 31 મે, 2022
ઓનલાઇન અરજી સબમિટ કરવાની અંતિમ તારીખ 31 મે, 2022 છે, એમ ગુજરાત હાઇકોર્ટના સત્તાવાર પોર્ટલે જણાવ્યું હતું. આ ભરતી જુલાઈ/ઓગસ્ટ, 2022 માં યોજાનારી પ્રારંભિક પરીક્ષા (ઉદ્દેશ્ય પ્રકારની એમસીક્યુ) પર આધારિત હશે, ત્યારબાદ સપ્ટેમ્બર / ઓક્ટોબરમાં સ્ટેનોગ્રાફી ટેસ્ટ / સ્કીલ ટેસ્ટ અને નવેમ્બર / ડિસેમ્બર, 2022 માં યોજાનારી વિવાવોસ ટેસ્ટ (મૌખિક ઇન્ટરવ્યૂ) યોજાશે.
શું છે લાયકાત ઉમેદવારો માટે
ઉમેદવારો પાસે માન્ય યુનિવર્સિટીમાંથી સ્નાતકની ડિગ્રી, અંગ્રેજી શોર્ટહેન્ડમાં પ્રતિ મિનિટ 120 શબ્દોની ઝડપે ટાઇપિંગ કુશળતા અને કમ્પ્યુટર ઓપરેશનનું જ્ઞાન હોવું આવશ્યક છે. ઉમેદવાર પાસે સમયાંતરે રાજ્ય સરકાર દ્વારા નિયત કરવામાં આવેલા કોમ્પ્યુટરના મૂળભૂત જ્ઞાનને લગતું પ્રમાણપત્ર હોવું આવશ્યક છે.
કેટલી ઉંમરના અરજદારો કરી શકે અરજી
આ પોસ્ટ પર અરજી કરનારા અરજદારોની ઉંમર 31 મે, 2022 સુધી 18 વર્ષથી ઓછી અને 35 વર્ષથી વધુ નહીં હોય. જો કે, એસસી, એસટી, એસઇબીસી, ઇડબ્લ્યુએસ, પીએચ, મહિલા અને ભૂતપૂર્વ સૈનિકોના ઉમેદવારો માટે ઉપલી વયમર્યાદામાં છૂટછાટ આપવામાં આવી છે.
ઉમેદવારો https://hc-ojas.gujarat.gov.in પર આ પદ માટે ઓનલાઇન અરજી કરી શકે છે.