નોકરી મેળવવા ઇચ્છતા યુવકો માટે ખુશખબર છે. ભારતીય સેના દ્વારા અલગ-અલગ પદોની 174 જગ્યા પર ભરતી બહાર પાડી છે. જેમાં 10 પાસથી ગ્રેજ્યુએટ ઉમેદવારો ફોર્મ ભરી શકશે.
ભારતીય સેનામાં ભરતી, સૌથી વધુ 150 જગ્યા ટ્રેડમેન માટે
10 પાસથી લઈ ગ્રેજ્યુએટ ઉમેદવારો અરજી કરી શકશે
174 જગ્યા પર બહાર પડી ભરતી
ભારતીય સેનામાં નોકરી કરવા માંગતા યુવકો માટે એક સારા સમાચાર સામે આવ્યા છે. ભારતીય સેનામાં અલગ-અલગ પદો ઉપર 174 જગ્યા માટે ભરતી બહાર પાડવામાં આવી છે. જેમઆ 10 પાસથી લઈ ગ્રેજ્યુએટ ઉમેદવારો અરજી કરી શકશે. જેની માટે અરજી સ્વીકારવાનું શરૂ કરી દેવામાં આવ્યું છે.
ભારતીય સેનામાં જાહેર થયેલ ભરતીમાં સૌથી વધુ 150 જગ્યા ટ્રેડમેન માટે બહાર પડી છે. આ સાથે ફાયરમેન માટે 14 જગ્યા તો મટિરિયલ આસિસ્ટન્ટ અને લોઅર ડિવિઝન ક્લાર્ક (ldc) માટે 3-3 એમટીએસ (માળી) માટે 2 જગ્યા અને એમટીએસ(મેસેંજર) અને ડ્રાફટમેન માટે 1-1 જગ્યાઓ માટે ભરતી બહાર પાડવામાં આવી છે.
જરૂરી લાયકાત
મટિરિયલ આસિસ્ટન્ટના પદ માટે ઉમેદવાદ ગ્રેજ્યુએટ હોવા જરૂરી છે. આ તરફ લોઅર ડિવિઝન ક્લાર્ક માટે કોઈપણ બોર્ડમાં થી 12મું પાસ ઉમેદવાર અરજી કરી શકશે. આ સાથે ફાયરમેન, ટ્રેડસમેન મેટ, એમટીએસ (માળી) અને એમટીએસ(મેસેંજર) માટે ઉમેદવાર કોઈપણ બોર્ડમાંથી 10 મું પાસ હોવા જોઈએ.
વયમર્યાદા
ભારતીય સેનાની આ ભરતી માટે તમામ ઉમેદવારોની ઉંમર 18 વર્ષથી લઈને 25 વર્ષ સુધી હોવી જોઈએ. જોકે અનામત કેટેગરીના ઉમેદવારોને નિયમોનુસાર છૂટછાટ આપવામાં આવશે.
કેવી રીતે કરશો અરજી ?
આ ભરતી માટે અરજી કરવા ઉમેદવારે ભારતીય સેનાની ઓફિશિયલ વેબસાઇટ https://indianarmy.nic.in/ ઉપરથી ફોર્મ ડાઉનલોડ કરવાનું રહેશે. જે ફોર્મને જરૂરી ડોક્યુમેન્ટ સાથે ભરીને 36 ફિલ્ડ એમ્યુશન ડેપો, પિન-900484 C/O 56 એપીઓ ના સરનામા ઉપર પોસ્ટ કરવાનું રહેશે. આ જાહેરાત રોજગાર સમાચારમાં પ્રસિદ્ધ થયાના 21 દિવસની અંદર ઉમેદવારોએ ફોર્મ ભરવાનું રહેશે.