ઘરકંકાસ / સરકારી નોકરીના કારણે પતિ-પત્ની વચ્ચે થવા લાગ્યા ડખ્ખા, હાઈકોર્ટે સ્માર્ટફોન રાખવાનો આપ્યો આદેશ

• બાળકની કસ્ટડી મામલે વિવાદ 
• કોર્ટમાં પહોંચ્યો મામલો
• કોર્ટે આપ્યો આ આદેશ

છત્તીસગઢ હાઈકોર્ટે શુક્રવારે ફેમિલી કોર્ટ તરફથી બાળકોની કસ્ટડી માતાને આપવા વિરુદ્ધ દાખલ કરવામાં આવેલી અપીલ સાથે જોડાયેલા એક મામલામાં બાળકોના માતા-પિતાને સ્માર્ટ ફોન રાખવાનો નિર્દેશ આપ્યો છે. સામાજિક રીતે એક એક મહત્વના મામલામાં સુનાવણી કરતા છત્તીસગઢ હાઈકોર્ટે બાળકો સાથે સંપર્ક રાખવાનો અધિકારને સરળ બનાવતા માતા-પિતાને વીડિયો કોલિંગ માટે સ્માર્ટફોન રાખવાનો નિર્દેશ આપ્યો હતો. કોર્ટે આ મામલાની સુનાવણી કરતા પિતાને પોતાના દિકરા અને પત્ની સાથે રજાઓ અને તહેવાર પર રહેવાની મંજૂરી આપી છે. 

અલગ અલગ જગ્યાએ નોકરી હોવાથી વિવાદ થયો

હકીકતમાં જોઈએ તો, છત્તીસગઢના તખતપુર વિસ્તારના ધોંધાડીહ નિવાસી લલિતરામ જાતવરના લગ્ન રાયપુર જિલ્લાના કુરા ગ્રામમાં રહેતી સુષ્મા સાથે થયા હતા. લલિત અમ્બિકાપુરના મૈનપાટમાં બીઈઓ અને સુષ્મા બિલ્હીમાં શિક્ષિકા હતી. માર્ચ 2014માં જાતવર દંપત્તિને એક પુત્ર થયો. જે જન્મથી અશક્ત હતો. બાળકોના સારા ઈલાજ માટે માને પોતાનું ટ્રાંસફર રાયપુર કરાવી લીધું . શાસકીય નોકરી કરી રહેલા પતિ -પત્ની વચ્ચે લગભગ કેટલાય કિમીનું અંતર હોવાથી તેમનું મળવાનું બંધ થઈ ગયું અને બંને વચ્ચે અંતર વધવા લાગ્યું.

કોર્ટે આપ્યા આ આદેશ

આ તમામની વચ્ચે લલિતરામે પોતાની પત્ની પર બાળકની યોગ્ય દેખરેખ ન રાખવાનો આરોપ લગાવતા રાયપુર ફેમિલી કોર્ટમાં પોતાની પુત્રની કસ્ટીડ આપવા અપીલ કરી. મામલામાં સુનાવણી કરતા કોર્ટે 10 મે 2019ના રોજ અપીલનો અસ્વિકાર કરતા માતા પાસે કસ્ટડી રાખવાની વાત કહી. ફેમિલ કોર્ટના નિર્ણયથી નિરાશ પિતાએ હાઈકોર્ટમાં અપીલ કરી. શુક્રવારે જસ્ટિસ ગૌતમ ભાદુડી અને જસ્ટિસ રજની દુબેની ડિવીજન બેંન્ચેમાં આ સુનાવણી થઈ હતી. હાઈકોર્ટે ડબલ બેંચના પ્રકરણમાં સુનાવણી કરતા કહ્યું કે, બાળકની કસ્ટડી પ્રાપ્ત કરવા સંબંધિત વિવાદમાં અન્ય વાલીઓના બાળકો સાથે મુલાકાત કરવા અને સંપર્કનો અધિકાર હોય છે. આ ઉપરાંત હાઈકોર્ટે એવું પણ કહ્યું કે, બાળકો સાથેનો સંપર્કનો અધિકાર સરળ બનાવવા માટે બંને અભિભાવકને વીડિયો કોલિંગ માટે સ્માર્ટ ફોન રાખવાનો રહેશે.