રવિવારે સાંજે જવાહરલાલ નેહરૂ યુનિવર્સિટી (JNU) માં થયેલી હિંસાની ઘટના બાદ દેશભરની યુનિવર્સિટીના વિદ્યાર્થીઓમાં આ ઘટનાની વિરુદ્ધ રોષ જોવા મળ્યો. જેએનયુ (JNU) હિંસાની વિરુદ્ધ વિદ્યાર્થીઓનો ગુસ્સો ન માત્ર દેશમાં પરંતુ વિદેશોની વિશ્વ પ્રસિદ્ધ યુનિવર્સિટીઝમાં પણ જોવા મળ્યો. બ્રિટેનની ઓક્સફોર્ડ યુનિવર્સિટી (Oxford University) માં પણ જેએનયુ હિંસાની વિરુદ્ધ વિદ્યાર્થીઓએ પ્રદર્શન કર્યું.
ગેટવે ઓફ ઇન્ડિયા પર પણ મોટી સંખ્યામાં વિદ્યાર્થીઓ અને ટીચર્સ એકઠા થયા
જેએનયુના વિદ્યાર્થીઓનું પણ હિંસાની વિરુદ્ધ વિરોધ પ્રદર્શન યથાવત છે
ભારતીય મૂળના ઓક્સફોર્ડ યુનિવર્સિટીના એક વિદ્યાર્થીએ ટ્વિટ કરી આ પ્રદર્શનની તસવીર શૅર કરી. ટ્વિટમાં દેખાઇ રહ્યું છે કે, વિદ્યાર્થીઓએ હાથમાં પ્લેકાર્ડ લઇને જેએનયુ (JNU) માં થયેલી હિંસાનો વિરોધ કરી રહ્યા છે. આ ઉપરાંત કોલંબિયા યુનિવર્સિટીના વિદ્યાર્થીઓએ પણ જેએનયુના વિદ્યાર્થીઓ પ્રત્યે સમર્થન દર્શાવ્યું અને હિંસાની ટીકા કરી છે.
આ ઉપરાંત જેએનયુમાં વિદ્યાર્થીઓ પર થયેલા હુમલાની વિરુદ્ધ સોમવારે પુડુચેરી યુનિવર્સિટી, અલીગઢ મુસ્લિમ યુનિવર્સિટી, બેંગલુરુ યુનિવર્સિટી, પ.બંગાળની જાદવપુર યુનિવર્સિટી, યુનિવર્સિટી ઓફ હૈદરાબાદ સહિત દેશના ઘણી યુનિવર્સિટીમાં વિરોધ પ્રદર્શન થયા. ત્યારે જેએનયુના વિદ્યાર્થીઓનું પણ હિંસાની વિરુદ્ધ વિરોધ પ્રદર્શન યથાવત છે.
મુંબઇના ગેટવે ઓફ ઇન્ડિયા પર પણ મોટી સંખ્યામાં વિદ્યાર્થીઓ અને ટીચર્સ એકઠા થયા અને તેઓએ જેએનયુમાં થયેલી હિંસાની નિંદા કરી. પ્રદર્શન કરી રહેલા વિદ્યાર્થીઓમાં આઇઆઇટી મુંબઇ, ટાટા ઇન્સ્ટીટ્યૂટ ઓફ સોશિયલ સાયન્સના વિદ્યાર્થીઓ સામેલ હતા.