IPLIN
 
  • Home
  • India
  • jnu delhi fee hike president house lathicharge police

દિલ્હી / ફી વધારા પર JNU વિદ્યાર્થીઓ અને પોલીસ વચ્ચે ઘર્ષણ, પોલીસે લાઠીચાર્જ કર્યો

Team VTV 05:28 PM, 09 Dec 19
Follow us
jnu delhi fee hike president house lathicharge police

દિલ્હીમાં જેએનયૂના ( JNU) વિદ્યાર્થીઓએ ફી વધારાને લઇને કૂચ કરી છે. પ્રદર્શન કરી રહેલા વિદ્યાર્થી રાષ્ટ્રપતિ ભવન તરફ આગળ વધી રહ્યા હતા, તેમને રોકવા માટે પોલીસે બળપ્રયોગ કરતા વિદ્યાર્થીઓ પર લાઠીચાર્જ કર્યો. 9 ડિસેમ્બરે જેએનયૂના વિદ્યાર્થીઓ ફી વધારાને લઇને પોતાનો વિરોધ દર્શાવ્યો હતો. વિદ્યાર્થીઓએ જેએનયૂ કેમ્પસથી રાષ્ટ્રપતિ ભવન સુધી કૂચ કરી છે.

  • દિલ્હીમાં જેએનયૂના ( JNU) વિદ્યાર્થીઓએ ફી વધારાને લઇને કૂચ કરી
  • જેએનયૂએસયૂએ પોતાની માંગને લઇને રાષ્ટ્રપતિને ઇમેલ લખ્યો છે
  • જેએનયૂમાં 12 ડિસેમ્બરથી સ્ટુડેન્ટ્સની સેમેસ્ટર એક્ઝામ

દાવો કરવામાં આવી રહ્યો છે કે, પોલીસ અને પ્રદર્શન કરી રહેલા સ્ટુડન્ટ્સ વચ્ચે ઘર્ષણ થયું, ત્યારબાદ પોલીસે લાઠીચાર્જ કર્યો. આ પહેલા જેએનયૂના તમામ ગેટ પર બેરિકેડ લગાવી દેવાયા અને સુરક્ષા દળોને તહેનાત કરી દેવામાં આવ્યા. જેથી વિદ્યાર્થી ભવન સુધી કૂચ નીકળી શકે નહીં.

 

નોંધનીય છે કે, જેએનયૂ વિદ્યાર્થી સંઘ (JNUSU) એ જેએનયૂથી રાષ્ટ્રપતિ ભવન સુધી એક કૂચ નીકાળવાનું આહ્વાન કર્યું હતું. જેએનયૂએસયૂએ પોતાની માંગને લઇને રાષ્ટ્રપતિને ઇમેલ લખ્યો છે. આ પત્રમાં વિદ્યાર્થીઓએ ફી વધારાના પ્રસ્તાવને પૂર્ણ રીતે પાછો લેવાની માંગ કરી છે. આ પહેલા દિલ્હી પોલીસે બીજા સુરક્ષા દળોની સાથે યૂનિવર્સિટીના તમામ ગેટને સીલ કરી નાંખ્યા હતા. જેનો ઉપયોગ વિદ્યાર્થીઓ દ્વારા પોતાની માંગને લઇને રાષ્ટ્રપતિ ભવન સુધી કૂચ નીકાળવા માટે કરવાનો હતો. 

 

નોંધનીય છે કે, જેએનયૂના વિદ્યાર્થીઓ ફીમાં વધારાને લઇને છેલ્લા કેટલાય દિવસોથી પ્રદર્શન કરી રહ્યા છે. આ પગપાળા કૂચને જેએનયૂ ટીચર્સ અસોસિએશને પણ વિદ્યાર્થીઓને સાથ આપ્યો. હોસ્ટેલ ફીના મામલે જેએનયૂ હવે ઘણી મુશ્કેલ સ્થિતિમાં છે, કેમકે 12 ડિસેમ્બરથી સ્ટુડેન્ટ્સની સેમેસ્ટર એક્ઝામ છે.

આ પહેલા ફી વધારાને લઇને જવાહરલાલ નેહરૂ યૂનિવર્સિટી (JNU)ના વિદ્યાર્થીઓએ 18 નવેમ્બરે સંસદ ભવન તરફ કૂચ કરવાનું એલાન કર્યું હતું પરંતુ દિલ્હી પોલીસે તેમને રોકવાની કોશિશ કરી હતી. ત્યારબાદ પોલીસ અને વિદ્યાર્થીઓ વચ્ચે ઘર્ષણ થયું હતું. જેએનયૂ વિદ્યાર્થીઓ પર આ પોલીસ કાર્યવાહીમાં ઘણા વિદ્યાર્થીઓ ઘાયલ થયા હતા, જ્યારે એક વિદ્યાર્થી ગંભીર રૂપે ઘાયલ થયો હતો. 
 

JNU JNU Protest delhi જેએનયૂ Fee Hike National News ગુજરાતી ન્યૂઝ
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ