IPLIN
 

શપથગ્રહણ / ઝારખંડમાં સોરેન સરકાર, રાજ્યના 11માં મુખ્યમંત્રી બન્યા હેમંત સોરેન, 3 મંત્રીઓે પણ લીધા શપથ

Team VTV 02:11 PM, 29 Dec 19 | Updated: 03:04 PM, 29 Dec 19
Follow us
jmm chief hemant soren jharkhand cm oath ceremony live updates

ઝારખંડ મુક્તિ મોરચાના કાર્યકારી અધ્યક્ષ હેમંત સોરેને રાંચીમાં ઝારખંડના મુખ્યમંત્રી પદના શપથ લીધા છે. તેઓ રાજ્યના 11માં મુખ્યમંત્રી બન્યા છે. શપથ ગ્રહણ સમારોહમાં સામેલ થવા માટે રાહુલ ગાંધી, અશોક ગહલોત, એમકે સ્ટાલિન સહીત દિગ્ગજ નેતા શપથ ગ્રહણના સ્ટેજ પર હાજર છે. 

  • હેમંત સોરેને મુખ્યમંત્રી પદના શપથ લીધા
  • ઝારખંડના 11માં મુખ્યમંત્રી બન્યા હેમંત સોરેન
  • રાજ્યપાલ દ્રોપદી મુર્મૂએ અપાવ્યા શપથ

હેમંત સોરેને લીધા મુખ્યમંત્રી પદના શપથ

ઝારખંડ મુક્તિ મોરચાના કાર્યકારી અધ્યક્ષ હેમંત સોરેને ઝારખંડના મુખ્યમંત્રી પદના શપથ લીધા. રાજ્યપાલ દ્રોપદી મુર્મૂએ તેમને પદ અને ગોપનીયતાના શપથ અપાવ્યા. હેમંત સોરેને બીજી વાર રાજ્યના મુખ્યમંત્રી બન્યા છે. 

 


કોંગ્રેસ રામેશ્વર ઉરાંવ અને RJDના સત્યાનંદ બન્યા મંત્રી

લોહરદગાથી કોંગ્રેસના ધારાસભ્ય રામેશ્વર ઉરાંવ અને ચતરાથી આરજેડી ધારાસભ્ય સત્યાનંદ ભોક્તા પણ હેમંત સરકારમાં મંત્રી બન્યા છે. રાજ્યપાલ દ્રોપદી મુર્મૂએ તેમને પદ અને ગોપનીયતાના શપથ અપાવ્યા.

આલમગીર આલમે મંત્રીપદના શપથ લીધા

પાકુડથી કોંગ્રેસના ધારાસભ્ય આલમગીર આલમે હેમંત સરકાર કેબિનેટમાં મંત્રીપદના શપથ લીધા છે. આલમગીર આલમ ઝારખંડના સ્પીકર પણ રહી ચૂક્યા છે. 

રાંચીના મોરહાબાદી મેદાન ઝામુમો સમર્થકો અને જનતાથી ભરાઇ ગયો છે. તમામ નેતાઓ સ્ટેજ પર પહોંચી ગયા છે. અહીં રંગારંગ સાંસ્કૃતિક કાર્યક્રમ થઇ રહ્યા છે. તેમા ઝારખંડની આદિવાસી સંસ્કૃતિની ઝલક લોકોને જોવા મળી રહી છે. 

કોંગ્રેસના સાંસદ રાહુલ ગાંધી હેમંત સોરેનના શપથ ગ્રહણમાં સામેલ થવા રાંચી પહોંચ્યા. આ ઉપરાંત કોંગ્રેસના અન્ય નેતા રાજસ્થાનના મુખ્યમંત્રી અશોક ગહલોત, છત્તીસગઢના સીએમ ભૂપેશ બઘેલ પણ શપથ ગ્રહણ સમારોહમાં સામેલ થયા. પશ્ચિમ બંગાળના સીએમ મમતા બેનર્જી પણ રાંચી પહોંચી ગયા હતા. જ્યારે આસામના સીએમ તરૂણ ગોગોઇ પણ કાર્યક્રમમાં હાજર રહ્યા. 

ઝારખંડમાં હેમંત સોરેનના મુખ્યમંત્રી પદના શપથગ્રહણ સમારોહમાં સામેલ થવા માટે વિપક્ષી પાર્ટીઓના નેતાઓ પણ હાજર રહ્યા. આ શપથગ્રહણ સમારોહમાં વામપંથી નેતા સીતારામ યેચૂરી, ડી રાજા અને અતુલ અંજાન હાજર રહ્યા હતા. જ્યારે એનસીપીના સુપ્રીમો શરદ યાદવ પણ રાંચ પહોંચ્યા હતા. જોકે, તેમણે ટ્વિટ કરી કહ્યું હતું કે, તેઓ શપથ ગ્રહણમાં આવી રહ્યા નથી. તેઓએ હેમંત સોરેનને શુભેચ્છા પાઠવી છે. 

આ ઉપરાંત સમાજવાદી પાર્ટીના અખિલેશ યાદવ અને બિહારના પૂર્વ ડેપ્યૂટી સીએમ તેજસ્વી યાદવ રાંચી પહોંચ્યા હતા. કોંગ્રેસ નેતા આરપીએન સિંહ પણ શપથગ્રહણ સમારોહમાં હાજર રહ્યા. જ્યારે ડીએમકેના વરિષ્ઠ નેતાઓ પણ કાર્યક્રમમાં હાજર રહ્યા. ડીએમકે અધ્યક્ષ એમકે સ્ટાલિન કાર્યક્રમમાં હાજર રહ્યા. 

 

Hemant Soren Jharkhand Political News National News ગુજરાતી ન્યૂઝ હેમંત સોરેન ઝારખંડ
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ