પ્રતિક્રિયા / ઘણા લોકો હિમાચલની ચૂંટણીને પણ ઈટાલીયન ચસમાથી જુએ છે, વાઘાણીના કોંગ્રેસ પર તીખા પ્રહાર, કહ્યું જનતા ભાજપની સાથે

• ચૂંટણી જાહેરાત પર જીતુ વાઘાણીની પ્રતિક્રિયા
• લોકશાહીમાં પ્રજાને ગણાવ્યા ભગવાનના સ્વરુપ
• હિમાચલની પ્રજા ભાજપની સાથે છે:વાઘાણી

ગુજરાત અને હિમાચલપ્રદેશની ચૂંટણીને લઈ ચીફ ઈલેક્શન કમિશનર ઓફ ઈન્ડિયાના રાજીવ કુમારે આજે હિમાચલ પ્રેદશની ચૂંટણીની તારીખોની જાહેરાત કરી છે. આજે કેન્દ્રીય ચૂંટણીપંચે હિમાચલ પ્રદેશની ચૂંટણીની તારીખો અને ચૂંટણીલક્ષી માહિતી આપી છે. ચૂંટણીની જાહેરાત પર ભાજપ નેતા જીતુ વાઘાણીની પ્રતિક્રિયા સામે આવી છે.

જીતુ વાઘાણીની પ્રતિક્રિયા
ચૂંટણીની જાહેરાત પર ભાજપ નેતા જીતુ વાઘાણીએ લોકશાહીમાં પ્રજાને ભગવાનનો સ્વરુપ ગણાવ્યો છે. તેમણે કહ્યું હતુ કે, હિમાચલની પ્રજા ભાજપની સાથે છે તેમણે કહ્યું કે, લોકો હિમાચલની ચૂંટણીને પણ ઈટાલીયન ચસમાંથી જોવે છે. વાઘાણીએ કોંગ્રેસ પર પ્રહાર કરતા કહ્યું હતું કે, લોકશાહીના મુલ્યો પર ઘા કરનારા કોંગ્રેસીઓ ચૂંટણી હારી ગયા છે. તેમણે જણાવ્યું કે ગુજરાતની જનતા ભાજપ સિવયા કોઈને સ્વીકારશે નહી. તેમણે ઉમેર્યું કે, જ્યારે પણ ગુજરાતની ચૂંટણી જાહેર થશે અમે તૈયાર છીએ અને ગુજરાતની જનતા અમારી સાથે છે.

ગુજરાત ચૂંટણીની તારીખો જાહેર ન થવાના સંભવિત કારણો
મહત્વનું છે કે, ગુજરાતમાં હજું ઘણા સરકારી કાર્યક્રમો બાકી છે. ડિફેન્સ એક્સપો જે 20-21-22 ઓક્ટોબરે આયોજિત છે, જેમાં વડાપ્રધાન પોતે હાજરી આપવાના છે. આવા સંજોગોમાં ગુજરાતની ચૂંટણી જાહેર થવાની શક્યતા ઓછી છે. આ પહેલાં પણ ડિફેન્સ એક્સપો માર્ચ 2022માં આયોજિત કરવામાં આવ્યો હતો, પરંતુ અમુક કારણોથી એ પાછો ઠેલવામાં આવ્યો હતો. ગુજરાત એક્સપો સરકારનો ખૂબ મોટો કાર્યક્રમ માનવામાં આવે છે. આ ઉપરાંત પણ ઓક્ટોબર મહિનામાં ઘણાં નાના-મોટા કાર્યક્રમો છે જે સરકાર દ્વારા આયોજિત કરાયેલા છે. બીજી બાજુ વાત કરીએ તો 18 ફેબ્રુઆરીએ ગુજરાત વિધાનસભાનો કાર્યકાળ પૂર્ણ થઈ રહ્યો છે જ્યારે હિમાચલ પ્રદેશનો 8 જાન્યુઆરીએ પૂર્ણ થઈ રહ્યો છે. જેથી ગુજરાતની તારીખો મોડી કરવાનું નક્કી કર્યુ હોઈ શકે.

2017માં બંને રાજ્યોમાં અલગ-અલગ તારીખે થયું હતું મતદાન
વર્ષ 2017ની વિધાનસભાની ચૂંટણી વિશે વાત કરીએ તો ગુજરાતની સાથે હિમાચલ પ્રદેશમાં પણ ચૂંટણી યોજાઈ હતી, જોકે મતદાનની તારીખ અલગ-અલગ હતી. જ્યારે મતગણતરી બંને રાજ્યોમાં એક જ દિવસે કરવામાં આવી હતી. હિમાચલ પ્રદેશમાં 68 સીટોવાળી વિધાનસભા માટે 9 નવેમ્બરે એક જ તબક્કામાં મતદાન થયું હતું. જ્યારે આ બંને રાજ્યોના ચૂંટણી પરિણામો 18 ડિસેમ્બરના રોજ આવ્યા હતા.