Video: પાટીદાર અને હાર્દિક વિશે ફેસબુક લાઇવ પર અભદ્ર ટીપ્પણી કરનારાનું પોલીસે કાઢ્યું સરઘસ

જામનગરઃ પાટીદાર સમાજ અને હાર્દિક પટેલ સામે ફેસબુક વિડીયો કોલીંગમાં અભદ્રભાષાના પ્રયોગના મામલે પોલીસ દ્વારા કાર્યવાહી કરવામાં આવી છે. બે કલાક સુધી ફેસબુક લાઇવ વિડીયો શેર કર્યો હતો. જામનગર અને ધ્રોલના બે વ્યક્તિ દ્વારા લેઉવા અને કડવા પટેલ વચ્ચે મતભેદ ઉભા થાય તેવી ભાષાનો પણ પ્રયોગ કર્યો હતો. ઇન્ફર્મેશન ટેકનોલોજી એક્ટ મુજબ બન્ને શખ્સો સામે ફરિયાદ થઈ હતી.

જીતુ હરસોડા અને રેનીશ પટેલ નામના બન્ને શખ્સો સામે સીટી એ ડિવિઝનમાં ફરિયાદ કરાઈ હતી. પોલીસે મુખ્ય આરોપી જીતુ હરસોડાને પકડી પાડ્યો. પાટીદાર પ્રભાવિત વિસ્તારમાં લઇ જઇ પોલીસે સરઘસ કાઢ્યું હતું. આરોપીએ જાહેરમાં તમામની માફી માંગી હતી.



સોશિયલ મીડિયાનો ઉપયોગ યોગ્ય રીતે થવો જોઈએ. પરંતુ કેટલાક લોકોને સોશિયલ મીડિયાના પ્લેટફોર્મને ખોટી રીતે ઉપયોગ કરે છે. આવા જ જામનગરના એક વ્યક્તિને પોલીસે ઝડપી જાહેરમાં માગી મગાવી હતી. ત્યારે આ બન્ને વ્યક્તિ વિરૂદ્ધ ઈન્ફર્મેશન ટેક્નોલોજી એક્ટ મુજબ બન્ને શખ્સ સામે ફરિયાદ નોંધાઈ હતી