પ્લાન પલટાયો / જિઓએ ગ્રાહકોને આપ્યો મોટો ઝટકો, 1 રુ.ના પ્લાનમાં કર્યો મોટો ફેરફાર, રિચાર્જ કરાવતા પહેલા જાણી લેજો

• 1 રુપિયાનો સૌથી સસ્તો પ્લાન લોન્ચ કર્યાના બીજા દિવસ પલટી
• રિલાયન્સ જિઓએ 1 રુપિયાનો પ્લાન મોંઘો કરી નાખ્યો
• બુધવારે 1 રુપિયામાં 30 દિવસની વેલિડિટીની સાથે 100MB ડેટાનો પ્લાન રજૂ
• ગુરુવારે 1 રુપિયામાં 1 દિવસની વેલિડિટીની સાથે ફક્ત 10MB ડેટાનો પ્લાન રજૂ કર્યો 

રિલાયન્સ જિઓએ બુધવારે 1 રુપિયામાં 30 દિવસની વેલિડિટીની સાથે 100MB ડેટાનો પ્લાન રજૂ કર્યો હતો. આ પ્લાનના બીજા દિવસે કંપનીએ આ પ્લાન મોંઘા કરી નાખ્યો છે. કંપનીએ આજે જણાવ્યું કે હવે આ પ્લાનમાં ફક્ત 1 દિવસની વેલિડિટીની સાથે ફક્ત 10MB ડેટા મળશે એટલે કે 29 દિવસની વેલિડિટી અને  90MB ડેટા ઓછા થઈ ગયા. આ પેક વેલ્યુ સેક્શનમાં Other Plans હેઠળ લિસ્ટ કરાયો છે. 

જૂના અને નવા સ્ક્રીનશોટ દ્વારા સ્થિતિ બની રહી છે સ્પસ્ટ 
આ પ્લાનમાં હવે એક દિવસની વેલિડિટી અને 1 રૂપિયામાં 10એમબી ડેટા મળશે. તે મુજબ જૂના ડેટા પ્લાનની તુલનામાં હવે યુઝરને ડેટા અને વેલિડિટીમાં 90 ટકાનું નુકસાન થશે. જિયોનું આ પગલું આશ્ચર્યજનક છે. ગ્રાહકોએ હવે ૧૦૦ એમબી ડેટા માટે ૧૦ રિચાર્જ કરવા પડશે. ત્યારે પણ વેલિડિટી માત્ર 10 દિવસ જ રહેશે.

સુધારેલા ૧૧૯ રૂપિયાનો પ્લાન
થોડા દિવસો પહેલા જ જિયોએ તેના સૌથી મૂળભૂત દૈનિક ડેટા પ્રીપેડ પ્લાનમાં સુધારો કર્યો હતો જેની કિંમત 119 રૂપિયા છે. આ પ્લાન વપરાશકર્તાને અમર્યાદિત કોલિંગ સાથે દૈનિક 1.5 જીબી ડેટા પ્રદાન કરે છે. આ પ્લાનમાં તમને 14 દિવસની વેલિડિટી મળે છે. અન્ય લાભો તરીકે જિયો એપ્લિકેશન્સને મફત એક્સેસ પણ આપવામાં આવી છે. આ ઉપરાંત 300 એસએમએસ પણ આપવામાં આવી રહ્યા છે.

1 ડિસેમ્બરથી  પ્લાન મોંઘા
એરટેલ અને વોડાફોન-આઇડિયા બાદ જિયોએ પણ 1 ડિસેમ્બરથી પોતાના રિચાર્જ પ્લાન મોંઘા કરી દીધા છે. જિયોએ પોતાના પ્લાનમાં 21 ટકા સુધીનો વધારો કર્યો છે. જિયોના 75 રૂપિયાના પ્લાનમાં 1 ડિસેમ્બરથી 91 રૂપિયા ચૂકવવા પડશે.

129 રૂપિયાનો પ્લાન હવે 155 રૂપિયા, 399 નો પ્લાન 479 રૂપિયા, 1,299 રૂપિયાનો પ્લાન 1,559 રૂપિયા અને પ્લાન 2,399 રૂપિયા સાથે 2,879 રૂપિયામાં ઉપલબ્ધ થશે. ડેટા ટોપ-અપની કિંમતમાં પણ વધારો કરવામાં આવ્યો છે. હવે 51ને બદલે 6 જીબી ડેટા રૂ.61, 12 જીબીમાટે રૂ.101ને બદલે રૂ.121 અને 50 જીબી ડેટા માટે રૂ.251ને બદલે રૂ.301 નો ખર્ચ કરવો પડશે.