સસ્તો સ્માર્ટ ફોન / દુનિયાના સૌથી સસ્તા android smartphone પર મોટા સમાચાર, JIO આપી શકે છે મોટું સરપ્રાઈઝ

• જિયોફોન નેકસ્ટ દિવાળી પહેલાં માર્કેટમાં લોન્ચ થાય તેવી શક્યતા
• આ ફોન દ્વારા ફીચર ફોનનો ઉપયોગ કરનારા લોકોને મળશે મદદ
• Jio કંપનીએ ફોનની કિંમતનો ખુલાસો કર્યો નથી

ચિપની અછતના કારણે સ્માર્ટ ફોન બનાવતી કંપનીઓને ખૂબ મુશ્કેલી

યાદ રહે કે અત્યારે ચિપની અછતને કારણે સ્માર્ટફોન બનાવનારી કંપનીઓને ખૂબ મુશ્કેલી પડી રહી છે. જેને પગલે સ્માર્ટ ફોનના ઉત્પાદન પર ખૂબ અસર થઇ રહી છે. કેટલાંક નિષ્ણાંતોએ જિયોફોન નેક્સ્ટની ડિલીવરીને આ સમસ્યા સાથે જોડી દીધી છે. ગયા મહિને કહ્યું હતુ કે થોડા વધુ સમયથી સેમીકંડકટરની અછતને દૂર કરવામાં મદદગાર થશે.

આ ફોન વિશ્વનો સૌથી સસ્તો 4G સ્માર્ટ ફોન

જીયો ફોન નેકસ્ટને લોન્ચ કરવાનો હેતુ એવા લોકોની મદદ કરવાનો છે, જે હજી ફીચર ફોનનો ઉપયોગ કરી રહ્યાં છે. Jio એ ખુલાસો કર્યો હતો કે JioPhone Next વિશ્વનો સૌથી સસ્તો 4G સ્માર્ટ ફોન હશે. જોકે, કંપનીએ તેની કિંમતનો ખુલાસો કર્યો નથી. પરંતુ કેટલીક રિપોર્ટોનું અનુમાન છે કે ભારતમાં નવા Jio ફોનની કિંમત 3499 રૂપિયા હોઇ શકે છે.

જિયોફોનના ફીચર્સ

જેમ કે પહેલાં જ જણાવવામાં આવ્યું છે કે કંપનીએ આ અંગે કોઈ જાણકારી આપી નથી. પરંતુ કંપનીએ કન્ફર્મ કર્યુ હતુ કે આ ફોન લેટેસ્ટ એન્ડ્રોઈડ રિલીઝ અને સિક્યોરિટી અપેડટ્સની સાથે આવશે. જિયોફોનમાં ‘Read Aloud’ અને ‘Translate Now’ હશે. જેમાં ગુગલ પ્લે પ્રીલોડેડ હશે.

જિયો ફોનમાં મળતી સુવિધાઓ

એક જૂની લીક મુજબ, JioPhone Next ફોન એન્ડ્રોઈડ 11 (ગો એડીશન) પર કામ કરી શકે છે. જેમાં 5.5 ઈંચ એચડી ડિસ્પ્લે મળી શકે છે. આ ઉપરાંત આ ફોન Qualcomm QM215 પ્રોસેસરથી સજ્જ હશે. જેની સાથે 2 જીબી અથવા 3 જીબી રેમ મળી શકે છે. આ સિવાય ફોનમાં 16 જીબી અથવા 32 જીબી eMMC 4.5 સ્ટોરેજ મળી શકે છે. ફોટોગ્રાફી માટે ફોનમાં 13 મેગાપિક્સલનો પ્રાઈમરી કેમેરો મળી શકે છે અને 8 મેગાપિક્સલનો સેલ્ફી કેમેરો મળી શકે છે. ફોનની બેટરી 2500 એમએએચની હોઇ શકે છે. જિયોફોન નેકસ્ટ 4G VoLTE સપોર્ટની સાથે આવી શકે છે અને તેમાં ડ્યુઅલ સિમ સપોર્ટ મળી શકે છે. ફોનમાં DuoGo અને Google Camera Go પ્રી-ઈન્સ્ટોલ મળશે.