ચર્ચા / રૂ. 399 ફોન લાવવાની તૈયારીમાં છે Jio, રૂ.50 ના રિચાર્જમાં આખો મહિનો ચાલશે

કંપની હાલમાં નવા જિયો ફોન માટે પ્રી-લોન્ચ સર્વે કરી રહી છે. જેમાં રિટેલર્સની સલાહ લેવામાં આવી રહી છે. કંપની એવા પ્રયત્નો કરી રહી છે કે નવા જિયો ફોનથી ટાર્ગેટ યૂઝર્સની જરૂરિયાત પૂરી કરવાની સાથે સાથે પોતાના સબ્સક્રાઇબર્સ બેસમાં પણ વધારો કરી શકે.

fઉલ્લેખનીય છે કે, નવો જિયો ફોન 500 રૂપિયાથી ઓછી કિંમતનો હોઇ શકે છે. એક રિપોર્ટ અનુસાર, તેની કિંમત 399 રૂપિયા હોઇ શકે છે. આ ફોનની સાથે કંપની 50 રૂપિયાનું એક રિચાર્જ પેક લોન્ચ કરશે. રિચાર્જ પેક ખાસ કરીને આ જ ફોન માટે ઉપયોગમાં આવશે. આ રિચાર્જ પેકની વેલિડટી 28 દિવસની હશે. આ સાથે કૉલિંગની વાત કરવામાં આવે તો યૂઝર્સને જિયો નેટવર્ક પર અનલિમિટેડ ફ્રી કૉલિંગ મળશે. આ સાથે જ અન્ય નેટવર્ક પર અમુક ફ્રી મિનિટ્સ મળશે.

કંપની પોતીના ફોનને Jio Phone Lite નામથી લોન્ચ કરી શકે છે. આ નાની ડિસ્પ્લે અને એલ્ફાન્યૂમરિક કીપેડ સાથે લોન્ચ કરવામાં આવી શકે છે. કંપનીએ આ ફોન વિશે હજુ સુધી કોઇ સત્તાવાર જાહેરાત કરી નથી. ફોનના લોન્ચ વિશે પણ કોઇ જાણકારી પ્રાપ્ત થઇ નથી. એક્સપર્ટ્સ અનુસાર, કંપની આ ફોનને 2020માં પોતાની એન્યુઅલ જનરલ મીટિંગમાં રજૂ કરી શકે છે. ફર્સ્ટ એન્ડ સેકન્ડ જનરેશન જિયો ફોનને રિલાયન્સે પોતાની એન્યુઅલ મીટિંગમાં જ લોન્ચ કર્યા હતા. 

બીજી તરફ એમ પણ કહેવામાં આવી રહ્યુ છે કે, કંપની હજુ સર્વે દ્વારા માત્ર માર્કેટમાં સ્થિતિ જાણવાનો પ્રયત્ન કરી રહી છે. કહેવાઇ રહ્યુ છે કે, Jio Phone Lite જો લોન્ચ થાય છે તો ઇન્ટરનેટ કનેક્ટિવિટીવાળો આવનારો પહેલો ફોન હશે, કેમકે હાલમાં તે સ્માર્ટફોનનો જમાનો છે અને પાછલા જનરેશનવાળા ફોન ફિચર હોવા છતાં સ્માર્ટફોન હતા. આ ફોનમાં ગૂગલ આસિસ્ટન્ટ, યૂટયૂબ, ફેસબુક અને વોટ્સઅપ સપોર્ટ કરતુ હતુ. એવામાં ઇન્ટરનેટ વગરનો જિયો ફોન યૂઝર્સને કેટલો પસંદ આવશે તે ટાઇમ સાથે જ જોવાનું રહ્યુ.