ચિંતા નહીં કરવાની / મુકેશ અંબાણીની આ કંપની હવે ગણતરીની મિનિટોમાં તમારા ઘરે પહોંચાડશે ગ્રોસરી, જાણો શું છે પ્લાન

• હવે કરિયાણાના સામાનની ડિલીવરીની સ્પર્ધા થશે ફાસ્ટ
• રિલાન્યસ ઈન્ડસ્ટ્રીઝે આ સર્વિસને જિયોમાર્ટ એક્સપ્રેસ નામ આપ્યું
• આ સર્વિસ હેઠળ અમુક કલાકની અંદર ગ્રોસરીની ડિલીવરી પણ કરાશે 

નવી મુંબઈથી શરૂઆત

કંપનીએ આ સર્વિસને જિયોમાર્ટ એક્સપ્રેસનુ નામ આપ્યું છે. કંપની આ સર્વિસ હેઠળ અમુક કલાકની અંદર ગ્રોસરીની ડિલીવરી પણ કરશે. કંપની આગામી 2-4 દિવસમાં ટ્રાયલના આધારે આ સર્વિસને શરૂ કરશે. જેની શરૂઆત નવી મુંબઈથી થશે. મીડિયા રિપોર્ટસમાં આ માહિતી આપવામાં આવી છે. રિપોર્ટસ મુજબ, JioMartએ આગામી ત્રિમાસિકના અંત સુધીમાં આ સર્વિસનુ વિસ્તરણ 200 શહેરોમાં કરવાનુ લક્ષ્ય રાખ્યું છે. કંપની દેશના લગભગ 200 શહેરોમાં હજી ગ્રોસરી ડિલીવરી કરે છે. આ સાથે કંપનીનુ લક્ષ્ય આગામી થોડા મહિનામાં પોતાની ક્ષમતા વધારવાનુ છે. 

કરિયાણા સ્ટોરથી તાત્કાલિક ડિલીવરીમાં મળશે મદદ

કંપનીએ બી2બી કાર્યક્રમ હેઠળ લાખો કરિયાણા સ્ટોર્સને પોતાનો JioMart Partner બનાવ્યો છે. આ કરિયાણા સ્ટોર્સ દ્વારા JioMart Express સર્વિસનું વિસ્તરણ કરવામાં આવશે. આ સાથે કંપની તેના ડિલીવરી નેટવર્ક અને Dunzoનો ઉપયોગ પણ કરશે. મહાનગરોમાં Dunzoની મજબૂત ઉપસ્થિતિ છે. રિલાયન્સ ઈન્ડસ્ટ્રીઝે ચાલુ વર્ષની શરૂઆતમાં બેંગલુરૂ બેસ્ડ ક્વિક કોમર્સ સ્ટાર્ટઅપ Dunzoની 26 ટકા ભાગીદારીને હસ્તાંતરિત કરી હતી. JioMart પહેલા ઘણી કંપનીઓ ગ્રોસરીની ઈન્સ્ટન્ટ ડિલીવરી શરુ કરી ચૂકી છે. જેમાં Blinkit (પહેલા Grofers), Zepto વગેરે સામેલ છે. હાલમાં Zomato એ 10 મિનિટમાં ફૂડ ડિલીવરીની શરૂઆત કરી છે. 

આ છે આખો પ્લાન 

રિપોર્ટસ મુજબ, નવી મુંબઈમાં પાયલટ અભિયાન હેઠળ 1-3 કલાકમાં સામાનની ડિલીવરી કરશે. ત્યારબાદ કંપનીનો પ્લાન ડિલીવરી ટાઈમથી ઘટાડીને 45 મિનિટથી એક કલાક કરવાનો છે. ત્યારબાદ કંપની પોતાની રેન્જ પણ વધારશે.