લોકપ્રિય ખાનગી ટેલિકોમ કંપની રિલાયન્સ જિયો પ્રીપેડ અને પોસ્ટપેડ પ્લાન્સની સાથે ફાઈબર નેટની સુવિધા પણ આપે છે. જિયોએ હાલમાં છ નવા પ્લાન લોન્ચ કર્યા છે, જેમાં અનલિમિટેડ ઈન્ટરનેટ અને ઓટીટી સુવિધાની સાથે તમને બીજા ઘણા ફાયદા મળી રહ્યાં છે. જાણો આ પ્લાન અંગે વિસ્તૃતમાં.
રિલાયન્સ જિયો પ્રીપેડ અને પોસ્ટપેડ પ્લાન્સની સાથે આપે છે આ સુવિધા
જિયોએ હાલમાં છ નવા પ્લાન લોન્ચ કર્યા
અનલિમિટેડ ઈન્ટરનેટ-ઓટીટી સુવિધાની સાથે અન્ય ઘણા ફાયદા મળશે
Jioએ લૉન્ચ કર્યા છ નવા પ્લાન
જિયોએ છ નવા પ્લાન જાહેર કર્યા છે, જેની શરૂઆત 399 રૂપિયાથી થાય છે અને આ 3999 રૂપિયા સુધી જાય છે. આ પ્લાન્સમાં તમને અનલિમિટેડ ઈન્ટરનેટ અને ઘણા ઓટીટી પ્લેટફોર્મ્સના એક્સેસની સાથે અન્ય ઘણી સુવિધા મળી જશે. આ પ્લાન્સમાં તમને 10 હજાર રૂપિયા સુધીનું ગેટવે રાઉટર, સેટ ટૉપ બૉક્સ અને તેની ઈન્સ્ટોલેશનની એક સેવા ફ્રીમાં આપવામાં આવશે. ઉલ્લેખનીય છે કે આ બધા પ્લાન્સને 22 એપ્રિલથી ખરીદી શકાશે.
Jioનો હજાર રૂપિયાથી નીચેનો પ્લાન
આ છ પ્લાન્સમાંથી ત્રણ પ્લાન્સ એવા છે, જેની કિંમત 1 હજાર રૂપિયાથી ઓછી છે. જિયો ફાઈબરના 399 રૂપિયાવાળા પ્લાનમાં તમને 30mbpsની સ્પીડ પર અનલિમિટેડ ઈન્ટરનેટ મળશે. જેની સાથે 100 રૂપિયા એકસ્ટ્રા આપવાથી છ ઓટીટી એપ્સ અને 200 રૂપિયા આપવાથી 20 એપ્સનું એક્સેસ મળી જશે. 699 રૂપિયાવાળા પ્લાનમાં પણ આ ફાયદા આપવામાં આવશે. પરંતુ તેમાં ઈન્ટરનેટની સ્પીડ 100mbps થઇ જશે. આ રીતે જો તમે 999 રૂપિયાવાળો પ્લાન લો છો તો તમને 150mbpsની સ્પીડ પર અનલિમિટેડ ઈન્ટરનેટ અને એમેઝોન પ્રાઈમ વીડિયોનું એક્સેસ મળશે.