રિલાયન્સ જિયોએ ભારતમાં વાઈફાઈ મેશ રાઉટર લોન્ચ કરી દીધું છે. કંપનીએ તેની ફાઈબર ટૂ ધ હોમ સર્વિસ માટે આ રાઉટર લોન્ચ કર્યું છે. આ રાઉટર દ્વારા યુઝર પોતાની ઓફિસ અથવા ઘરે સાધારણ રાઉટરથી વધુ વાઈફાઈ રેન્જનો ઉપયોગ કરી શકે છે. જિયો ફાઈબર વેબસાઈટ મુજબ આ રાઉટર Jio Home Gateway દ્વારા ઘરના એક ફ્લોર પર 1000 સ્કવેર ફૂટનો એરિયા સરળતાથી કવર કરી શકે છે.
જિયોના ગ્રાહકો માટે બેસ્ટ ઓફર
રિલાયન્સ જિયોએ ભારતમાં વાઈફાઈ મેશ રાઉટર લોન્ચ કર્યું
જિયો ફાઈબરના આ મેશ રાઉટરની કિંમત 2499 રૂપિયા છે
રાઉટરની કિંમત
જિયો ફાઈબરના આ મેશ રાઉટરની કિંમત 2499 રૂપિયા છે. આ રાઉટર ખાસ કરીને એવા યુઝર્સ માટે લોન્ચ કરવામાં આવ્યું છે જેઓ પોતાનું Wi-Fi કવરેજ વધારવા માંગે છે. આ સેવા આખા દેશમાં 2499 રૂપિયામાં ઉપલબ્ધ છે. કંપનીએ હજી સુધી આ રાઉટર વિશે વધારે માહિતી શેર કરી નથી.
એરટેલને આપશે ટક્કર
જિયોનો આ રાઉટર એરટેલને ટક્કર આપવા માટે લોન્ચ કરવામાં આવ્યો છે. તાજેતરમાં એરટેલે વાર્ષિક 25,000 રૂપિયાના ટેગ સાથે પોતાનું એરટેલ ફાઇબર પ્લસ મેશ પ્લાન લોન્ચ કર્યું છે.
જિયોએ હાલમાં જ ક્રિકેટ ચાહકો માટે બે નવા પ્લાન લોન્ચ કર્યા છે. તેની કિંમત 499 રૂપિયા અને 777 રૂપિયા છે. જિયોએ ઈન્ડિયન પ્રીમિયર લીગની આગામી સીઝનને ધ્યાનમાં રાખીને આ પ્લાન શરૂ કર્યા છે. આઈપીએલનું આયોજન સામાન્ય રીતે માર્ચ-એપ્રિલમાં થાય છે, પરંતુ આ વખતે કોવિડ-19 મહામારીને કારણે તેમાં મોડું થયું. જિયોના આ બંને પ્લાનમાં, ડિઝની + હોટસ્ટાર વીઆઇપી સબ્સ્ક્રિપ્શન એક વર્ષ માટે મફત ઉપલબ્ધ છે. તમે હોટસ્ટાર પર પ્રસારિત આઈપીએલ મેચ જોઈ શકો છો. ડિઝની + હોટસ્ટાર વીઆઈપી સબ્સ્ક્રિપ્શન માટેના એન્યુઅલ પ્લાનની કિંમત 399 રૂપિયા છે.