જ્યારે અબજપતિ મુકેશ અંબાણીએ JIO લોન્ચ કર્યું અને સસ્તાં ભાવે મોબાઈલ પ્લાન આપવાની શરૂઆત કરી ત્યારથી જ બધી જ ટેલિકોમ કંપનીઓએ ટેરિફ ઘટાડવાની ફરજ પડી હતી. જે બાદ બધી જ ટેલિકોમ કંપનીના પ્લાન સરખા ભાવે ચાલી રહ્યાં હતા.હવે બધી જ કંપનીઓ દ્વારા ટેરિફ વધારવાનું એલાન કરવામાં આવ્યું છે.ડીસેમ્બર મહિનાથી બધી જ ટેલીકોમ કંપનીના પ્લાનમાં વધારો કરવામાં આવશે.
બધા જ પ્લાનમાં સરખો વધારો થાય તો નાનાં પ્લાન ધરાવતાં ગ્રાહકો સૌથી વધુ પ્રભાવિત થશે
હાલની તારીખમાં JIO અને એરટેલ બંને કંપનીના મોટા ભાગના ગ્રાહકો પ્રિ-પેઈડ પ્લાન ધરાવે છે
ટેરિફ પ્લાનમાં 20 ટકા જેટલો વધારો થઈ શકે છે
JIOનો સૌથી મોટો પ્લાન 9999 રૂપિયાનો
જો JIO ની વાત કરીએ તો તેમાં ઓછમાં ઓછું 98થી શરુ કરીને સૌથી મોટો પ્લાન 9999નો છે જ્યારે એરટેલમાં 35થી શરુ કરી સૌથી મોટો પ્લાન 1699 રૂપિયાનો છે. આ પ્લાન શોર્ટ ટર્મ અને લાંબા સમય માટે પણ ઉપલબ્ધ હોય છે. ટેલિકોમ કંપનીઓ દ્વારા જો બધા જ પ્લાનમાં સરખો વધારો કરવામાં આવે તો જે નાના પ્લાન ધરાવે છે તેવા ગ્રાહકો સૌથી વધુ પ્રભાવિત થશે. સૂત્રોનાં જણાવ્યા અનુસાર જો બધા પ્લાનમાં સરખો વધારો થશે તો નાના ગ્રાહકો સૌથી વધુ પ્રભાવિત થશે જે મોટે ભાગે ગ્રામીણ ક્ષેત્રના છે.
આ વધારો પોસ્ટ-પેઈડ ગ્રાહકો કરતાં પ્રિ-પેઈડ ગ્રાહકો માટે વધુ હોઈ શકે
વિવિધ કંપનીઓના સૂત્રોએ ખાતરી આપી છે કે આ વધારો લગભગ 20 ટકાની આસપાસ રહી શકે છે. મોટા ભાગે સૂત્રોએ કહ્યું કે 'અમે ટેરિફમાં 20%નો વધારો કરવાની તૈયારી કરી રહ્યાં છે.'સૂત્રોએ વધુમાં કહ્યું કે આ વધારો પોસ્ટ-પેઈડ ગ્રાહકો કરતાં પ્રિ-પેઈડ ગ્રાહકો માટે વધુ હોઈ શકે છે. કારણ કે હાલની તારીખમાં JIO અને એરટેલ બંને કંપનીના મોટા ભાગના ગ્રાહકો પ્રિ-પેઈડ પ્લાન ધરાવે છે.આટલું જ નહિ હવે તો ટેલિકોમ કંપનીઓના વાયરલેસ સબસરકાઇબર્સમાં પણ ધરખમ ઉછાળો જોવા મળ્યો છે. ઓગસ્ટના અંત સુધી વાયરલેસ સબસરકાઇબર્સની સંખ્યા 1173.75 મિલિયન પહોંચી ગયી છે.
એરટેલ, JIO અને વોડા-આઈડિયાએ ડીસેમબર મહિનાથી ટેરિફ પ્લાનમાં વધારાનું એલાન કર્યું
સૂત્રોનું એમ પણ માનવું છે કે પ્લાનમાં વધારો અલગ રીતે પણ લાગુ કરી શકાય છે જેમાં નાના પ્લાનમાં ઓછો વધારો અને મોટા પ્લાનમાં વધુ વધારો. આમ જેટલો મોટો પ્લાન એટલો વધારે વધારોની નીતિ અપનાવી શકાય છે.આ પહેલાં રિલાયન્સ JIO જે ફ્રી કોલિંગ સુવિધા આપતું હતું તેણે નોન-જિયો કોલિંગના પૈસા વસુલાવની શરૂઆત કરી દીધી જે બાદ ત્રણેય કંપનીઓ એરટેલ, JIO અને વોડા-આઈડિયાએ એલાન કર્યા કે તે બધા જ ડીસેમબર મહિનાથી ટેરિફ પ્લાનમાં વધારો કરશે.