જિયો માટે તો તમે સાંભળ્યું જ હશે. તમે જિયો સિમ જિયો વાઇફાઇ જિયો ગીગાફાઇબર આવનારી બ્રોડબેડ સર્વિસ માટે સાંભળ્યું હશે. આ તમામ સેવાઓ જિયો કંપની તમારા સુધી પૂરી પાડી રહી છે.
જિયો વર્લ્ડ સેન્ટર
જો તમે જિયોની આ સર્વિસ માટે ભવિષ્યની કલ્પના કરી રહ્યા છો તો તમે ખોટા નથી. જિયો પોતાની સેવાઓમાં ખૂબ જ વધારે વિસ્તાર કરવાનો પ્લાન બનાવી રહી છે. ટેલિકોમ ઇન્ટસ્ટ્રીમાં ધૂમ મચાવ્યા બાદ હવે જિયો પોતાની રિયલ સ્ટેટ સેક્ટરમાં પણ ધૂમ મચાવવાની તૈયારી કરી રહ્યું છે. જી હાં તમે સાચું સાંભળ્યું થોડા દિવસો બાદ જિયો કંપનીના મોલ્સ પણ તમને જોવા મળશે.
સૂત્રો પ્રમાણે જિયો કંપની મુંબઇના એક વિશાળ કોમર્શિયલ સ્પેસનું નામ 'જિયો વર્લ્ડ સેન્ટર' રાખવા જઇ રહી છે. જિયો વર્લ્ડ સેન્ટરની આ જગ્યા મુંબઇના બાન્દ્રા કુર્લા કોમ્પ્લેક્સમાં સ્થિત છે. આ જિયો વર્લ્ડ સેન્ટરમાં ઇન્ટરનેશનલ કન્વેન્શન સેન્ટર હોટલ કોમર્શિયલ ઓફિસ બે મોલ અને અન્ય ઘણી ચીજો હશે. અહીંયા બે મોલ પણ હશે જેમાંથી એક લક્ઝરી મોલ હશે.
જિયો મોલમાં શું શું હશે?
જો કે રિલાયન્સ જિયો તરફથી હજુસુધી જિયો લર્વ્ડ સેન્ટર માટે કોઇ વાત સામે આવી નથી પરંતકુ સૂત્રો પાસેથી મળતી માહિતી અનુસાર જિયોના લક્ઝરી મોલમાં રિલાયન્સ કંપનીની સાથે ભાગીદારી કરનાર ગ્લોબલ બ્રાન્ડ પોતાના શોરૂમ ખોલશે. તો બીજી બાજુ ઇન્ટરનેશનલ બ્રાન્ડ જે રિલાયન્સની ભાગીદારી નથી એ પણ મોલમાં પોતાના શરૂમ ખોલશે જેમાં સ્વિટ્ઝરલેન્ડની પણ ઘણી બ્રાન્ડ પણ સામેલ છે.
જિયોના બીજા મોલની વાત કરીએ તો એ પણ સાથે જ એ જ જગ્યા પર હશે. બીજા મોલનું નામ મેકર્સ મેક્સિટી આપવામાં આવશે. મેકર્સ મેક્સિટી આરઆઇએલ અને મેકર ગ્રુપનું જોઇન્ટ વેન્ચર છે.
સૂત્રો અનુસાર જિયો આ જિયો વર્લ્ડ સેન્ટર દ્વારા નવું સ્ટાન્ડર્ડ સ્થાપિત કરવા ઇચ્છે છે. હવે જોવું એ રસપ્રદ છે કે રિલાયન્સ જિયો કંપની ક્યારે જિયો વર્લ્ડ સેન્ટરનો ખુલાસો કરે છે.