ભારતીય બજારમાં ટેલિકોમ કંપનીઓ તેમના ગ્રાહકોને ડિવાઈસમાં eSIM સપોર્ટ ઉપલબ્ધ કરાવી રહી છે. ચાલો જાણી લો તેના વિશે.
જિયોના ગ્રાહકો માટે સારાં સમાચાર
હવે સિમ વિના પણ કરી શકાશે કોલ
eSIMની સુવિધામાં મળશે આ ફાયદા
eSIM અથવા એમ્બેડેડ સબ્સ્ક્રાઇબર આઈડેન્ટિટી મોડ્યુલને સીધા ફોનમાં એમ્બેડ કરવામાં આવે છે. જો ફોનમાં આ પ્રકારનો સિમ આપવામાં આવે તો તે ફોનમાં સ્પેસ બચાવે છે, સાથે સાથે અલગ સિમ ટ્રે બનાવવાની પણ જરૂર નથી. આ કોઈપણ મોબાઇલ ડિવાઇસના રીમોટ સિમ જોગવાઈને ઈનેબલ કરે છે. એટલે કે, eSIM યુઝર્સ ફોનમાં સિમ કાર્ડ નાખ્યા વિના ટેલિકોમ સેવાઓનો ઉપયોગ કરી શકે છે. આજકાલ eSIM ઘણાં ફોનમાં ટ્રેન્ડ કરી રહ્યો છે. આવી સ્થિતિમાં જો તમે રિલાયન્સ જિયોના યુઝર છો, તો પછી તમે આ સિમ નજીકના કોઈપણ જિયો સ્ટોરમાંથી લઈ શકો છો. ઉપરાંત,તમે કોઈપણ ફોનમાં eSIM એક્ટિવ કરી શકોછો.
Jio eSIM આ રીતે ખરીદો
જો તમે રિલાયન્સ જિયો eSIMના લાભ માણવા માંગતા હો તો તમારે નવું કનેક્શન મેળવવા માટે નજીકના રિલાયન્સ ડિજિટલ અથવા જિયો સ્ટોરની મુલાકાત લેવી પડશે. પછી તમારે કનેક્શન મેળવવા માટે તમારો ફોટો અને આઈડી પ્રૂફ આપવો પડશે.
નવું Jio eSIM કેવી રીતે એક્ટિવ કરવું
નવા Jio eSIM કનેક્શનને એક્ટિવ કરવા માટે તમારે તમારા સ્માર્ટફોનમાં એક ફીચર ડાઉનલોડ કરવાની જરૂર રહેશે. સાથે જ eSIMના કમ્પેટિબલ ડિવાઈસ ઓટોમેટિકલી આ સિમને કન્ફિગર કરી લે છે. જો તમે ભૂલથી ડાઉનલોડ કરેલા eSIM હટાવી દો છો, તો તમારે ફરીથી નજીકના રિલાયન્સ ડિજિટલ અને જિયો સ્ટોર પર જવું પડશે અને તેને ફરીથી સક્રિય કરવું પડશે. ફરીથી ગ્રાહકને ફોટો અને આઈડી પ્રૂફની કોપી આપવી પડશે.