BIG BREAKING / દેશભરમાં Jioની સર્વિસ ઠપ, તમામ યુઝર્સને પડી રહી છે આ મુશ્કેલી, લોકોએ ટ્વિટર પર કાઢી ભડાશ

• દેશભરમાં ટેલિકોમ કંપની Jioના યુઝર્સ કરી રહ્યા છે મુશ્કેલીનો સામનો 
• ઘણા Jio યુઝર્સ સવારથી કોલ કરી શકતા નથી
• Jio યુઝર્સ દાવો કરે છે કે, સવારથી મેસેજ કે SMS મોકલી શકતા નથી

દેશભરમાં ટેલિકોમ કંપની Jioના યુઝર્સ મુશ્કેલીનો સામનો કરી રહ્યા છે. રિપોર્ટ અનુસાર ઘણા Jio યુઝર્સ સવારથી કોલ કરી શકતા નથી. સોશિયલ મીડિયા પર ઘણા યુઝર્સે આ અંગે ફરિયાદ પણ કરી છે. ઘણા Jio યુઝર્સ દાવો કરે છે કે, તેઓ સવારથી મેસેજ કે SMS મોકલી શકતા નથી.

એક રિપોર્ટમાં મોબાઈલ ડેટા વિશે કહેવામાં આવ્યું છે કે, તે કામ કરી રહ્યું છે. યુઝર્સને આ અંગે કોઈ સમસ્યાનો સામનો કરવો પડતો નથી. એટલે કે આઉટેજ પછી પણ વપરાશકર્તાઓ મોબાઇલ ડેટાનો ઉપયોગ કરવા સક્ષમ છે. પરંતુ કોલ અને એસએમએસ મોકલવામાં સમસ્યા છે.

મહત્વનું છે કે, આજે સવારથી જ Jio યુઝર્સ આ સમસ્યાનો સામનો કરી રહ્યા છે. એક ટ્વિટર યુઝરે આ વિશે લખ્યું છે કે, સવારથી તેના મોબાઈલ પર VoLTE સિગ્નલ દેખાઈ રહ્યું નથી. જેના કારણે કોઈ કોલ રિસીવ નથી થઈ રહ્યો. આવી સ્થિતિમાં જ્યારે સામાન્ય કૉલ્સમાં સમસ્યા હોય ત્યારે તમે 5G સેવા કેવી રીતે પ્રદાન કરશો.

#Jiodown
What is the problem with JIO network. Unable to make calls #Jiodown #Jiodown @JioCare @reliancejio

— 🇮🇳Shukla G Duhiyawale🙏🇮🇳 (@duhiyawale) November 29, 2022

ઈન્ટરનેટ મોટાભાગના વપરાશકર્તાઓ માટે સારું કામ કરી રહ્યું છે. પરંતુ કેટલાક યુઝર્સ મોબાઈલ ડેટા વિશે એમ પણ કહી રહ્યા છે કે, તે તેમના માટે કામ કરતું નથી. પરંતુ મોટાભાગના લોકો કોલ અને એસએમએસ મોકલવામાં આવી રહેલી સમસ્યાઓ વિશે જ કહી રહ્યા છે. માઇક્રો-બ્લોગિંગ સાઇટ ટ્વિટર પર પણ JioDown ટ્રેન્ડ કરી રહ્યું છે. 

@JioCare Missed my early morning flight due to no communication.
Who will reimburse now???#Jiodown

— Shailendra Singh (@Shailen12713360) November 29, 2022

એક ટ્વિટર યુઝરે લખ્યું છે ક,  કોમ્યુનિકેશનના અભાવે તે પોતાની ફ્લાઇટ ચૂકી ગયો. આની ભરપાઈ કોણ કરશે? અન્ય એક ટ્વિટર યુઝરે લખ્યું છે કે જિયો પર કોલિંગ નેટવર્ક કામ કરી રહ્યું નથી. સમસ્યા શું છે? આ સિવાય અન્ય યુઝર્સ પણ આ અંગે ફરિયાદ કરી રહ્યા છે. હાલમાં કંપનીએ આ અંગે કોઈ નિવેદન આપ્યું નથી. પરંતુ, એવું માનવામાં આવે છે કે ટૂંક સમયમાં આ સમસ્યા દૂર થઈ જશે.