ઓફર / જિયોના ગ્રાહકો માટે કામના સમાચાર, કંપનીએ ફરી લોન્ચ કર્યો તેનો આ સસ્તો પ્લાન, જાણો હવે કયા ફાયદા મળશે

• જિયોના ગ્રાહકો માટે કામના સમાચાર
• કંપનીએ ફરી લોન્ચ કર્યો 98 રૂપિયાનો પ્લાન
• જાણો આ પ્લાનમાં ગ્રાહકોને કેટલો ફાયદો થશે

રિલાયન્સ જિયોના 98 રૂપિયાના પ્લાનમાં કોઈ એક્સ્ટ્રા ફાયદો તો નથી મળ્યો ઉલ્ટાનું કંપનીએ તેની વેલિડિટી 28 દિવસથી ઘટાડીને 14 દિવસ કરી નાંખી છે. આ સિવાય આ પ્લાનમાં અનલિમિટેડ કોલિંગની સાથે હાઈ સ્પીડ ડેટાનો લાભ પણ મળે છે. તેમાં JioTV, JioCinema અને JioNews જેવા જિયો સૂટ એપ્સનનું ફ્રી એક્સેસ પણ મળે છે. 98 રૂપિયાના પ્રીપેડ પ્લાન ફરી શરૂ થવા પર જિયોના પોર્ટફોલિયોની શરૂઆતી કિંમત 129 રૂપિયાથી 98 રૂપિયા થઈ ગઈ છે. 

98 રૂપિયાનું જિયો પ્રીપેડ રિચાર્જ પ્લાન મુંબઈ સ્થિત ટેલ્કો દ્વારા ચુપચાપ લોન્ચ કરવામમાં આવ્યું છે. આ પ્લાનમાં ડેઈલી 1.5 જીબી હાઈ સ્પીડ ડેટાની સાથે 14 દિવસ માટે અનલિમિટેડ વોઈસ કોલ પણ મળે છે. તેમાં જિયો એપ્સનું એક્સેસ પણ સામેલ છે. 

નવા 98 રૂપિયાના Jio પ્લાન Jio.com સાઇટ તેમજ MyJio એપ્લિકેશન દ્વારા ખરીદી માટે ઉપલબ્ધ છે. ગૂગલ પે અને પેટીએમ સહિત થર્ડ પાર્ટી એપ્સ દ્વારા ગ્રાહકો તેના રિચાર્જનો લાભ લઈ શકે છે.

જાણો અગાઉ 98 રૂપિયાના પ્લાનમાં કઈ સુવિધા મળતી હતી

ગયા વર્ષે મે મહિનામાં જિયોએ તેના 98 રૂપિયાના પ્લાનને બંધ કરી 129 રૂપિયાના પ્લાનને સૌથી સસ્તો પ્લાન બનાવી દીધો હતો. તમને જાણીને આશ્ચર્ય થશે કે કંપનીએ બંધ થયાના કેટલાક મહિના પહેલા 98 રૂપિયાના પ્લાનમાં બદલાવ કર્યા હતા અને તેમાં 28 દિવસની વેલિડિટી, 2 જીબી હાઇ-સ્પીડ દૈનિક ડેટા અને ફ્રી જિયો-ટુ-જિયો કોલિંગ તેમજ 300 ફ્રી મળતું હતું. 

Jio Phone યુઝર્સ માટે વધુ પ્લાન

આ મહિનાની શરૂઆતમાં જિયોએ 39 રૂપિયા અને 69 રૂપિયાના પ્રીપેડ પ્લાન રજૂ કરીને જિયો ફોન યુઝર્સ માટે ઉપલબ્ધ રિચાર્જ પ્લાનની લિસ્ટમાં વધારો કર્યો છે. આ બંને પ્લાનની વેલિડિટી 14 દિવસની છે અને તેમાં અનલિમિટેડ વોઈસ કોલિંગ મળે છે. જોકે 39 રૂપિયાના આ પ્લાન દરરોજ 100 એમબી ડેટા મળે છે, જ્યારે 69 રૂપિયાના પ્લાનમાં દરરોજ 0.5 જીબી ડેટા લાભ મળે છે. જિયોએ હાલમાં તેના જિયો ફોન ગ્રાહકો માટે 300 મિનિટની મફત કોલિંગ અને એક મફત રિચાર્જ ઓફર જેવા લાભ આપ્યા છે.