એપ લોન્ચ / રિલાયન્સ લાવ્યું ZOOM જેવું આ નવું એપ, એકસાથે 100 લોકો સાથે કરી શકશો વાતચીત

• રિલાયન્સે લોન્ચ કર્યું નવું એપ
• JioMeet એપ એકસાથે 100 લોકો સાથે વાત કરવા સક્ષમ
• ગૂગલ પ્લે અને આઈફોનના પ્લે સ્ટોર પર મળશે એપ

રિલાયન્સે આજે પોતાના  JioMeet એપને એન્ડ્રોઈડ અને એપલ બંનેને માટે લોન્ચ કર્યું છે. આ એપ પર એકસાથે 100 લોકો વીડિયો કોન્ફરન્સ કરી શકે છે. તેમાં કોલ શરૂ કરવા માટે કોઈ કોડ કે ઈનવાઈટ્સની જરૂર રહેતી નથી, જે લોકો ડેસ્કટોપથી આ એપનો ઉપયોગ કરવા ઈચ્છે છે તેમને  JioMeetના ઈનવાઈટ લિંક પર ક્લિક કરવાનું રહે છે. તેને માટે એપને ડાઉનલોડ કરવાની જરૂર રહેતી નથી. 

જાણી લો  JioMeetના અન્ય ફીચર્સ

આ એપમાં કેટલાક અન્ય ખાસ ફીચર્સ પણ છે. જેને તમે તમારી મીટિંગને શિડ્યુલ કરવા વાપરી શકો છો. એકમેકની સાથે સ્ક્રીન શેર કરી શકો છો. આ વીડિયો કોન્ફરન્સિંગ પ્લેટફોર્મનો ઉપયોગ ગૂગલ ક્રોમ અને મોઝિલા ફાયરફોક્સ પર પણ કરી શકાય છે. આ માટે તમારે કોઈ ચાર્જ આપવાનો રહેતો નથી. આ એપ સંપૂર્ણ ફ્રી છે. 

શું છે આ એપને ડાઉનલોડ કરવાની પ્રોસેસ?

• મોબાઈલ પર આ એપનો ઉપયોગ કરવા માટે સૌ પહેલાં ગૂગલ પ્લે સ્ટોર કે આઈફોનના એપ સ્ટોર પર જાઓ. અહીં JioMeet એપ સર્ચ કરીને તેને ડાઉનલોડ કરો.
• જો તમે ડેસ્કટોપ પર આ એપનો ઉપયોગ કરવા ઈચ્છો છો તો તેને માટે આ લિંક પર ક્લિક કરી શકો છો. https://jiomeetpro.jio.com/home#download. અહીં તમને તેને ડાઉનલોડ કરવાનો વિકલ્પ મળશે. 

જિયો પ્લેટફોર્મ્સે 30 એપ્રિલે જાહેરાત કરી હતી કે તે વીડિયો કોલિંગ સર્વિસ શરૂ કરશે.

આ વીડિયો કોન્ફરન્સિંગ એપના લોન્ચિંગ એ સમયે થઈ હતી જ્યારે કોરોના વાયરસનો કહેરના કારણે મોટાભાગના લોકો વર્ક ફ્રોમ હોમ કરી રહ્યા છે. આ એપની સાથે જિયો પ્લેટફોર્મ્સની ટક્કર Zoom, Google Meet, WebExની સાથે થશે.