નવી દિલ્હીઃ દેશના સૌથી ધનવાન મુકેશ અંબાણીએ પોતાની માલિકીની કંપની રિલાયન્સ ઇન્ડસ્ટ્રીઝ લિમિટેડની વર્ષિક સામાન્ય બેઠક યોજી હતી.
રિલાયન્સ ઇન્ડસ્ટ્રીઝ લિમિટેડની મીટિંગ ગુરૂવાર સવારે 11 કલાકે મુંબઇ સ્થિત બિડલા માતોશ્રી સભાગારમાં શરૂ થઇ ચૂકી છે. જેની રોકાણકારો ઉત્સુકતા સાથે રાહ જોઇ રહ્યા હતા. જિયોની લોન્ચિંગ બાદ કંપની જેટલી પણ એજીએમ થઇ છે તેમાં જિયોને લઇને કેટલીક મોટી જાહેરાત કરવામાં આવી છે.
રિલાયન્સ જીઓ દ્વારા મોટુ એલાન કરવામાં આવ્યું. આજે મુકેશ અંબાણીએ જીઓ ફોનમાં ઉમેરવામાં આવેલા નવા ફીચર્સની જાહેરાત કરી. મુકેશ અંબાણીએ નવા ફીચર્સની જાહેરાત કરતા કહ્યું કે હવે જીઓ ફોન કમાન્ડથી ઓપરેટ કરી શકાશે.
વોઈસ કમાન્ડથી હવે વોટ્સએપ ફેસબુક અને યૂટ્યૂબ પણ વોઈસ કમાન્ડથી ઓપરેટ કરી શકાશે. આ સિવાય વોઈસ કમાન્ડથી ટીવી ચેનલ પણ ઓપરેટ કરી શકાશે. જીઓએ આ જાહેરાત કરીને અન્ય પ્રતિસ્પર્ધી કંપનીઓની ઉંઘ હરામ કરી છે.
ખેડૂતોની આવક બે ગણી કરવામાં મદદ કરો
- ખેડૂતોની આવક બે ગણી કરવામાં ડિઝિટલ ટેક્નોલોજીને ખેડૂતોના અનુભવો સાથે જોડવામાં આવશે તો જિયો દેશમાં હરિયાળી ક્રાંતિ લાવી શકાય છે.
- શિક્ષણ પર ફોકસ કરીશું. એટલા માટે ફાઇબર બ્રોડબેન્ડને શિક્ષણ સંકુલો સુધી પહોંચાડવામાં આવશે.
- હેલ્થકેર પર પણ ફોકસ રહેશે. ટેલીમેડિસિન અને ઇ-ડાયગનોસ્ટિકને લાગૂ કરીને ભારત હેલ્થકેરનો ખર્ચ ઓછો કરી શકાય છે.
ભારત જોડો એન્ટરપ્રાઇઝ
આ એન્ટરપ્રાઇઝ દ્વારા ડિઝિટલ ઇન્ડિયાને મહત્વ આપવામાં આવશે. મર્ચન્ટ પોઇન્ટ ઓફ સેલ લોન્ચ કરવામાં આવશે. જ્યાંથી નાના વેપારીઓ ડિઝિટલ સ્તરે પોતાનો કારોબાર ચલાવી શકશે.
- રેવેન્યૂ 69 હજાર કરોડ રૂપિયાને પાર થયો.
- 4 હજારથી વધુ નવા સ્ટોર ખોલ્યા. નાના વેપારીઓને દઇ રહ્યા છે મહત્વ. 30 લાખથી વધુ પાર્ટનરો જોડાઇ ચૂક્યા છે.
- જિયો ફોન-2 15 ઓગષ્ટથી 2 મળવાનું શરૂ થશે. માત્ર 2999 રૂપિયામાં આ ફોન મળશે.
- જિયો ગિગા ફાયબરનો બીટા ટ્રાયલ શરૂ થઇ ચૂક્યું છે. 15 ઓગષ્ટથી જિયો ગિગા ફાયબર માટે રજિસ્ટ્રેશન શરૂ થઇ જશે.
- જ્યાંથી વધુ રજિસ્ટ્રેશન મળશે ત્યાં સૌથી પહેલા જિયો ગિગા ફાયબરની સવિધા શરૂ કરવામાં આવશે.
જિયો સ્માર્ટ હોમ
જિયો સ્માર્ટ હોમ દ્વારા પોતના ઘર અને અન્ય વસ્તુઓ પણ કંટ્રોલ કરી શકાય છે. જેમાં હવામાનને લઇને તમારી અન્ય વસ્તુઓ પણ સામેલ છે.
જિયો ગિગાટીવીમાં કોલિંગની પણ સુવિધા
જિયો ગિગા ટીવી વોઇસ કમાન્ડ અને રિમોટથી ચાલશે. તેની સાથે જિયો ગિગા ટીવી કોલિંગની સુવિધા પણ મળશે. જેના દ્વારા તમે બીજી જિયો ગિગા ટીવીને ફોન કરી શકશો. તેની સાથે મોબાઇલ પર પણ કોલ કરી શકશો. વર્ચ્યુઅલ રિયાલિટી હેડસેટ લગાવી દેશે તો 360 ડિગ્રી વ્યૂની સુવિધા પણ મળશે.
જિયો ગિગા ફાયબરની જાહેરાત
મુકેશ અંબાણીની બેઠકમાં 'ધ જિયો ગિગા ફાયબર'ને લોન્ચ કરવાની જાહેરાત કરી છે. તેમણે કહ્યું કે ભારતના નાના વેપારીઓની સફળતામાં રિલાયન્સ જિયો મહત્વની ભૂમિકા નિભાવી રહી છે. ફિક્સ લાઇન બ્રોડબેન્ડ મોટા વેપારને પણ પ્રોત્સાહન આપી રહ્યું છે.
જિયો ફોન 2 લોન્ચ
આ જિયો ફોન વનના હાઇ મોડલ છે. જેમાં હોરિજોન્ટલ સ્ક્રીન મળશે. જિયો ફોનના બન્ને મોડલ બજારમાં મળશે. આ જિયો ફોન વનથી થોડી વધુ સુવિધાઓની સાથે રજૂ કરવામાં આવ્યું છે.
જણાવી દઇએ કે મુકેશ અંબાણીએ આ પહેલાની વાર્ષિક સામાન્ય બેઠકમાં જિયો ફિચર ફોનની જાહેરાત કરી હતી. આ ફોનને 1500 રૂપિયાની રિફંડેબલ કિંમતની સાથે લોન્ચ કરવામાં આવ્યો હતો. આજે આ ફોનની ફીચર ફોન માર્કેટમાં બોલબાલા છે.