રિલાયન્સ જિયોએ ફરીથી એક વખત મોટી ગેમ રમી છે. અત્યાર સુધી જિયો સહિત ઘણી ટેલીકોમ કંપનીઓ નવા સ્માર્ટફોનની સાથે કેશબેક ઓફર આપી રહી છે અને સાથે અમુક ફ્રી ડેટા પણ આપી રહી છે પરંતુ રિલાયન્સ જિયોએ એક સ્ટેપ આગળ ભરતાં જૂના ફોનની સાથે પણ 2200 રૂપિયાને કેશબેક આપવાની જાહેરાત કરી છે. તો ચલો જાણીએ જિયાની એ ઓફર વિશે વિસ્તારથી કે જૂના ફોનની સાથે કેશબેક કેવી રીતે મળશે.
સૌથી પહેલા તમને જણાવી દઇએ કે જિયોએ ઇ કોમર્સ સાઇટ ક્વિકરની સાથે ભાગીદારી કરી છે. ક્વિકર અને જિયોની આ ભાગીદારી હેઠળ ગ્રાહકોને રિફર્બિશ્ડ સ્માર્ટફોન (સેકન્ડ હેન્ડ) પર કેશબેક ઓફર મળશે.
જો તમે ક્વિકરથી કોઇ સેકન્ડ હેન્ડ સ્માર્ટફોન ખરીદો છો તો જિયો તમને 2200 રૂપિયાની કેશબેક આપશે જો કે આ ઓફર માત્ર 4g વીઓએલટીઇ સ્માર્ટફોનની સાથે જ મળશે.
સેકન્ડ હેન્ડ સ્માર્ટફોનની સાથે જિયોના 2200 રૂપિયાની કેશબેક મેળવવા માટે તમને 198 રૂપિયા અથવા 299 રૂપિયાના રિચાર્જ કરાવવું પડશે. આ ઓફર માટે ક્વિકર પર એક નવું પેજ પણ બન્યું છે જેનું નામ જિયો ઓફર ક્વિકર બજાર છે.
જિયોની આ કેશબેક તમને રિચાર્જ કૂપનના રૂપમાં મળશે જે તમારે માય જિયો એપમાં આવશે. આ કૂપનનો ઉપયોગ તમે રિચાર્જ દરમિયાન કરી શકશો.
જો તમે ક્વિકરથી વીવો મોટોરોલ એપ્પલ નોકિયા કૂલપેડ જેવી કંપનીઓના સેકન્ડ હેન્ડ સ્માર્ટફોન ખરીદો છો તો તમને જિયો તરફથી 2200 રૂપિયાની કેશબેક મળશે. જિયો અને ક્વિકરની આ ઓફરની શરૂઆત 29 નવેમ્બરથી શરૂ થઇ ગઇ છે જો કેઅમે ચેક કર્યું તો હજુ ક્વિકર પર આ ઓફરનું પેજ ઓપન થઇ રહ્યું નથી.