Reliance Jioની ઑફરની તેના યુઝર્સ આતુરતાપૂર્વક રાહ જોતાં હોય છે. જો તમે પણ તે યુઝર્સમાંથી એક હોય જે Jioની નવી ઑફર્સની રાહ જોતા હોય તો આ તમારા માટે સારી ખબર છે. Jioએ 251 રૂપિયાનો એક નવો 4G પ્લાન લૉન્ચ કર્યો છે જેમાં દરરોજ 2 GB હાઇસ્પીડ ડેટા મળશે. તો ચાલો જાણીએ Jioની આ ઑફર વિશે વિગતે.
સૌપ્રથમ તમને જણાવી દઇએ કે Jioના આ પેકનું નામ જિયો ક્રિકેટ સીઝન ડેટા પેક છે. આ પેકને ખાસ ચાલી રહેલી T-20 ક્રિકેટ માટે લૉન્ચ કરવામાં આવ્યું છે. Jioના આ પ્લાનની કિંમત 251 રૂપિયા છે.
આ પ્લાનમાં તમને દરરોજ 2 GB ડેટા મળશે. આ પ્લાનની વેલીડીટી 51 દિવસની હશે. તેવામામં કુલ તમને 102 GB ડેટા મળશે. આ રિચાર્જ Jioની વેબસાઇટ અને માય Jio Appમાંથી પણ કરી શકાશે.
આ પ્લાન અંતર્ગત કંપની ઢગલાબંધ ઓફર્સ આપી રહી છે. જેમ કે લકી યુઝર્સને પોતાની ફેવરેટ ટીમ સાથે સેલ્ફી લેવાની તક મળશે. આ ઉપરાંત મનપસંદ ટીમની જર્સી, કેપ અને બેટ પણ મળશે. આ ઑફરમાં તમને મેચની ટિકિટ પણ મળી શકે છે.