લોન્ચિંગ / હવે એરટેલને ટક્કર આપવા Jio તૈયાર, ગ્રાહકોને ફ્રીમાં આપશે વોઈસ અને વીડિયો કોલ સર્વિસ

• રિલાયન્સ જિયોએ દેશભરમાં વાઈફાઈ કોલિંગ સર્વિસની જાહેરાત કરી 
• જિયો ઘણાં મહિનાથી આ સર્વિસ ટેસ્ટ કરી રહ્યું હતું
• યુઝર આ સર્વિસમાં વીડિયો કોલ પણ કરી શકશે

શું છે તેની ખાસિયત?

• જિયો વાઈફાઈ કોલિંગ માટે કસ્ટમર્સ કોઈપણ વાઈફાઈ નેટવર્કનો પ્રયોગ કરી શકે છે. એવું નથી કે, માત્ર  જિયોના જ વાઈફાઈ નેટવર્ક પર આ સુવિધાનો લાભ લઈ શકાશે. 
• બેસ્ટ વોઈસ અને વીડિયો કોલિંગની સુવિધા માટે કોલને VoLTE અને Wi-Fiની વચ્ચે સ્વિચ કરી શકાશે. 
• જિયો વાઈફાઈ કોલિંગ 150થી વધુ હેન્ડસેટ્સને સપોર્ટ કરશે. 
• વાઈફાઈ કોલ્સ દરમિયાન જિયો કસ્ટમર્સ વીડિયો પણ કરી શકશે.

લોન્ચ દરમિયાન જિયોના ડિરેક્ટર આકાશ અંબાણીએ કહ્યું, જિયો સતત કસ્ટમર્સના અનુભવને સારો કરવાનો પ્રયાસ કરે છે, જેથી તેમની સમસ્યાઓને દૂર કરી શકાય. અત્યારે દરેક યુઝર એક મહિનામાં લગભગ 900 મિનિટ વોઈસ કોલ સેવા યુઝ કરે છે. ઉલ્લેખનીય છે કે, એરટેલ પહેલાં જ વાઈફાઈ કોલિંગની સુવિધા લોન્ચ કરી દીધી છે પણ જિયો તેનાથી સારું છે કારણ કે, એરટેલની વાઈફાઈ કોલિંગ સુવિધા યુઝ કરવા એરટેલનું જ બ્રોડબેન્ડ નેટવર્ક લેવું પડે છે. જ્યારે જિયો માટે તમે કોઈ પણ પણ નેટવર્ક યુઝ કરી શકો છો. 

VoWifi માટે આ રીતે કરો સેટિંગ

તમારો સ્માર્ટફોનમાં Wifi કોલિંગ સપોર્ટ હોવું જોઈએ સાથે જ આપના ટેલિકોમ ઓપરેટર પણ VoWiFiની સુવિધા આપે છે કે નહીં તે જોઈ લેવું. તેના માટે સેટિંગમાં જઈ વાઈફાઈ કોલિંગ ઓપ્શનને ઈનેબલ કરી દો. હાલ દેશમાં જિયો અને એરટેલમાં VoWiFiની સુવિધા ઉપલબ્ધ છે. 

દેશભરમાં કરી શકશો ફ્રી કોલ

કસ્ટમર્સ વાઈફાઈ કોલ્સ પર વીડીયો કોલ પણ કરી શકશે. જિયો વાઈફાઈ કોલિંગ સર્વિસ 16 જાન્યુઆરી સુધી સમગ્ર ભારતમાં ઉપલબ્ધ હશે. જિયોની આ ખાસ સર્વિસની મદદથી તમે દેશમાં ગમે ત્યાં કોલ્સ કરી શકશો.  

શું છે VoWifi?

વોઈસ ઓવર વાઈફાઈ કે VoWifi, વાઈફાઈ દ્વારા કામ કરે છે. આ વોઈસ ઓવર આઈપીને VoIP પણ કહે છે. VoWifi દ્વારા તમે હોમ વાઈફાઈ, પબ્લિક વાઈફાઈ અને વાઈફાઈ હોટસ્પોટની મદદથી કોલ કરી શકો છો.