લોન્ચ / જિયોએ લોન્ચ કર્યા 2 સસ્તા પ્લાન, વધુ સ્પીડની સાથે મળશે આવા ફાયદા

• JioFiberએ નવા બે સસ્તા પ્લાન લોન્ચ કર્યા છે
• 199 રૂપિયા અને 351 રૂપિયાના છે નવા પ્લાન
• પહેલાં JioFiberના પ્લાન અન્ય બ્રોડબેન્ડ કંપનીની કરતા મોંઘા હતા

JioFiberના પ્લાન અન્ય બ્રોડબેન્ડ કંપનીની તુલનામાં મોંઘા છે અને આ જ કારણથી JioFiber  જિયો સિમની જેમ લોકપ્રિય થઈ શક્યું નહી. કંપનીએ ફ્રી ટીવી અને રાઉટર જેવા ઘણાં આક્રમક પ્લાન લોન્ચ કર્યા હતા. આ પ્લાનની સાથે કંપનીએ 199 રૂપિયાનો વીકલી પ્લાન પણ લોન્ચ કર્યો છે. 

આ JioFiberનો સૌથી સસ્તો પ્લાન હશે

જોકે, હવે વાત કરીએ 351 રૂપિયાના નવા JioFiber પ્લાન વિશે. આ JioFiberનો સૌથી સસ્તો પ્લાન હશે. આ અંતર્ગત, કંપની એવા યુઝર્સને ટાર્ગેટ કરી રહી છે જેમને માત્ર સ્પીડ નહીં, પણ કનેક્ટિવિટીની વધુ જરૂર પડશે. આ પ્લાન હેઠળ યુઝર્સને 50GB ડેટા આપવામાં આવશે.

પ્લાનમાં મળશે આ ફાયદા

351 રૂપિયાના પ્લાનમાં તમને 10Mbpsની સ્પીડ મળશે. આ પ્લાનની સાથે FUP એટલે કે 50GB ડેટા ખતમ થવા પર 1Mbpsની અનલિમિટેડ સ્પીડ મળતી રહેશે. આ સાથે જ, આ પ્લાનમાં અનલિમિટેડ કોલિંગનો પણ ઓપ્શન આપવામાં આવશે. 

199 રૂપિયાના પ્લાનમાં 100Mbpsની સ્પીડ મળશે. અહીં પણ FUP ઉપલબ્ધ છે, જેથી 1Mpbs સ્પીડ આપવામાં આવશે. તેની વેલિડિટી 7 દિવસની રહેશે. જીએસટી એડ થયા પછી 351 રૂપિયાનો પ્લાન 414 રૂપિયામાં પડશે. પહેલાં JioFiberનો પ્લાન 699 રૂપિયામાં શરૂ થતો હતો. આ બધાં જ નવા પ્લાન પ્રીપેડ છે અને બંને પ્લાન્સ સાથે અનલિમિટેડ કોલિંગ અને ટીવીની સર્વિસ પણ આપવામાં આવી છે.