ટેકનોલોજી / Jio GigaFiber લૉન્ચ થતાં પહેલાં આ મોટી વાતો જાણી લો

Jio GigaFiber મામલે અનુમાન લગાવવામાં આવી રહ્યું છે કે, GigaFiber બ્રોડબેંડ સર્વિસને જુલાઇમાં કંપનીની AGM દરમિયાન લોન્ચ કરવામાં આવેલ. ત્યારથી લઇને અત્યાર સુધીમાં તેનું ટેસ્ટિંગ વિવિધ શહેરોમાં કરવામાં આવી રહ્યું છે. 

આપને જણાવી દઇએ કે, હાલ તેનું ટેસ્ટિંગ ભારતના 100થી વધુ શહેરમાં કરવામાં આવી રહ્યું છે. JIO GigaFiber હાલ પ્રીવ્યૂ ઓફર તરીકે પણ ઉપલબ્ધ કરાવવામાં આવશે. સાથે જ દર મહિને તેમાં 1100GB ડેટા આપવામાં આવશે. પ્રીવ્યૂ ઓફર 3 મહિના સુધી ચાલશે, જો કે, તમે માનો કે ન માનો પરંતુ તે કમર્શિયલ લોન્ચિંગ સુધી યથાવત રહી શકે છે.

પ્રીવ્યૂ ઓફર માટે 2 ઓપ્શન આપવામાં આવ્યા છે. એકમાં તમને 4500 રુપિયાની રિફંડેબલ સિક્યુરીટી અમાઉન્ટ આપવાની છે. જેમાં તમને 100mbps  સ્પીડ તથા ડ્યૂઅલ બેંડ WiFi રાઉટર મળશે. બીજા ઓપ્શનમાં ગ્રાહકને 2500 રુપિયા સિક્યુરીટી ડિપોઝીટ તરીકે આપવામાં આવશે. જેમાં તમને 50mbps સ્પીડ તથા Wi-Fi રાઉટર મળશે.

લોન્ચિગ પહેલા સામે આવેલ જાણકારી મુજબ  Jio GigaFiber સાથે કંપની વાયર્ડ ટેલિફોન સર્વિસ તથા Jio HomeTV નામથી DTH સર્વિસના નામે લોન્ચ કરી શકે છે. આ પ્લાનની શરૂઆત 600 રૂપિયાથી થાય છે.