આ શહેરોમાં સૌથી પહેલા શરૂ થશે Jio GigaFiber જુઓ યાદીમાં છે તમારું શહેર

Jio GigaFiber બ્રોડબેન્ડની જાહેરાત આ વર્ષે જૂલાઇમાં રિલાયન્સ ઇન્ડસ્ટ્રીની વાર્ષિક સામાન્ય બેઠકમાં કરવામાં આવી હતી. જોકે હજુ સુધી જિયો GigaFiber FTTH નેટવર્કને સામાન્ય લોકો સમક્ષ મૂકવામાં આવ્યુ નથી. હાલમાં તે બીટા ફેઝમાં છે. લાંબા સમયથી આ સર્વિસની રાહત બ્રોડબેન્ટ ઇન્ડસ્ટ્રી પણ જોઇ રહ્યુ છે. હવે એક રિપોર્ટ અનુસાર આ શહેરોની યાદી આવી છે જેમાં સૌથી પહેલા સર્વિસ શરૂ થશે. 

નોંધનીય છે કે કંપનીએ ઓગ્સ્ટમાં Jio બ્રોડબેન્ડ માટે Jio.com રજિસ્ટ્રેશન શરૂ કર્યુ હતુ  અને તે સમયે કંપનીએ કહ્યુ કે જે વિસ્તારમાં સૌથી વધુ રજિસ્ટ્રેશન આવશે તે શહેરમાં સૌથી પહેલા સર્વિસની શરૂઆત થશે. 

આ સિવાય તેમ પણ ખુલાસો થઇ ગયો છે કે નવા Jio GigaFiber કનેક્શનની સાથે  100Mbps સ્પીડ પર 100GB ડેટા દર મહિને મળશે. Jio GigaFiber પ્રિવ્યૂ ઑફર હેઠળ યૂઝર્સને Jio GigaFiber અને Jio GigaTV રાઉટર માટે 4500 રૂપિયાની સિક્યોરિટી તરીકે આપવી પડશે.

તમને જણાવી દઇએ કે હાલમાં જે શહેરોનું લિસ્ટ સામે આવ્યુ છે તે ઑફિશ્યલ નથી. Jioને હજુ સુધી Jio GigaFiberને સૌથી પહેલા કયા શહેરમાં લોન્ચ કરવામાં આવશે તે વિશે કોઇ જાણકારી આપી નથી. રિપોર્ટમાં દાવો કરવામાં આવ્યો છે કે સૌથી પહેલા જ શહેરમાં Jio GigaFiberની એન્ટ્રી થશે તે શહેરોની જાણકારી સામે આવી ચૂકી છે. 

આ શહેરોમાં રાજકોટ બેગ્લોર રાંચી પુણે ઇન્દોર થાણે ભોપાલ લખનઉ કાનપુર પટના અલ્હાબાદ રાયપુર નાગપુર ગાઝિયાબાદ લુધિયાણા મદુરાઈ નાસિક ફરિદાબાદ કોઈમ્બતુર ગુવાહાટી આગ્રા મેરઠ રાજકોટ શ્રીનગર અમૃતસર ચંદીગઢ જોધપુર કોટા અને સોલાપુરનો સમાવેશ થાય છે. જેમ કે પહેલા જ જણાવ્યુ કે Jio GigaFiber બ્રોડબેન્ડ સર્વિસ આ શહેરોમાં શરૂ થવા વિશે રિલાયન્સ જિયો તરફથી કોઇ નિવેદન આવ્યુ નથી. 

Jio GigaTV સેટ ટોપ બોક્સ વોઈસ કમાન્ડને પણ સપોર્ટ કરશે. જેનો મતબલ એ છે કે યૂઝર્સ માત્ર અવાજથી જ કન્ટેન્ટ કંટ્રોલ કરી શકશે. કંપનીના જણાવ્યા અનુસાર સ્માર્ટ રિમોટ અનેક ભાષાને સપોર્ટ કરશે. જોકે કંપનીએ હાલમાં જણાવ્યુ નથી કે કઇ અને કેટલી ભારતીય ભાષાનો સમાવેશ થશે.