ટેકનોલોજી / સૌથી સસ્તો 5G સ્માર્ટફોન લૉન્ચ કરી શકે છે JIO, ઈન્ટરનેટ તો જોરદાર હશે જ અન્ય ફીચર્સ જાણીને પણ ચોંકી જશો

• જિયોનો સૌથી સસ્તો 5G સ્માર્ટ ફોન ગંગા હશે ખૂબ ખાસ
• ફોનમાં ગ્રાહકોને સારા ફીચર્સ આપવામાં આવશે
• કંપની 6000 થી 7000ની વચ્ચે પોતાનો 5જી સ્માર્ટ ફોન લોન્ચ કરી શકે

જિયો ગંગા નામનો 5G સ્માર્ટ ફોન લોન્ચ કરશે 

જિયો ભારતમાં ગંગા નામથી એક સૌથી સસ્તો 5G સ્માર્ટ ફોન લઇને આવી રહી છે. ખરેખર કંપનીએ આ સ્માર્ટ ફોનનુ અસલી નામ જણાવ્યું નથી. પરંતુ તેને ગંગા કોડ નેમથી સંબોધિત કરાઈ રહ્યું છે. આ સ્માર્ટ ફોન માર્કેટમાં ચર્ચાનો વિષય બન્યો છે, કારણકે માર્કેટમાં જેટલા પણ 5G સ્માર્ટ ફોન છે આ તેનાથી ખૂબ સસ્તા છે અને તેમાં ગ્રાહકોને ફીચર્સની ભરમાર જોવા મળશે, જે તેની સૌથી મોટી ખાસિયત છે. જો તમે પણ આ સ્માર્ટ ફોનની લોન્ચિંગને લઇને ઉત્સાહિત છો તો આજે અમે તમને ફોનની અમુક ખાસિયતો જણાવીશું. 

કઈ ખાસિયતોથી થશે સજ્જ 

જીયો ગંગા માર્કેટમાં આવતા પહેલા ચર્ચા મચાવી રહ્યો છે. કારણકે કંપની ગ્રાહકોને સૌથી સસ્તો 5G ફોન ઑફર કરી રહી છે. માર્કેટમાં જેટલા પણ 5G સ્માર્ટ ફોન છે, તેની કિંમત આશરે રૂ. 10,000ની આજુબાજુ છે. એવુ મનાઈ રહ્યું છે કે કંપની 6000 થી લઇને 7000ની વચ્ચે પોતાનો 5જી સ્માર્ટ ફોન લોન્ચ કરી શકે છે. ઈન્ડિયા મોબાઈલ કોંગ્રેસ 2022માં તેની માહિતી સામે આવી છે અને હવે આ ચર્ચાનો વિષય બન્યો છે. 

રિલાયન્સ જિયો LYFની સાથે આ 5G સ્માર્ટ ફોનને લોન્ચ કરી શકે

આ મૉડલ નંબર LS1654QB5 છે. જેનુ કોડ નેમ ગંગા છે. રિલાયન્સ જિયો LYFની સાથે આ 5G સ્માર્ટ ફોનને લોન્ચ કરી શકે છે. આ સ્માર્ટ ફોનમાં 6.5 ઈંચની HD + LCD ડિસ્પ્લેની સાથે 60Hzનો રિફ્રેશ રેટ અને ક્વોલકોમ સ્નેપડ્રેગન 480 ચિપસેટ જોવા મળી શકે છે. આ સસ્તા 5G સ્માર્ટ ફોનમાં 12 મેગાપિક્સલનો મેન કેમેરા અને 2 મેગાપિક્સલનો સેકન્ડરી કેમેરો ઑફર કરી શકાય છે અને સેલ્ફી માટે તેમાં 8 મેગાપિક્સલનો ફ્રન્ટ કેમેરો મળી શકે છે.