Jio રિચાર્જ પ્લાન / હવે ફોનમાં 28 દિવસ નહીં આખો મહિનો પૂરા થયા બાદ જ રિચાર્જ કરવું પડશે, JIOનો શાનદાર પ્લાન

• જિયોએ ગ્રાહકો માટે પ્રીપેડ પ્લાન લોન્ચ કરવાની જાહેરાત કરી
• આ પ્લાનમાં યુઝર્સને અનલિમિટેડ ડેટા અને કોલિંગનો મળશે લાભ
• યુઝર્સ એક વખતમાં ઘણી વખત રિચાર્જ કરી શકે છે

કેલેન્ડરની કોઈ એક તારીખ પર રિચાર્જ કરાવી શકશો

એટલેકે હવે તમારે 28 દિવસની વેલિડિટી નહીં, પરંતુ દર મહિને કેલેન્ડરની કોઈ એક તારીખ પર રિચાર્જ કરાવવુ પડશે. આ ઈનોવેશન પ્રીપેડ યુઝર્સને દર મહિને ફક્ત એક રિચાર્જની તારીખ યાદ રાખવામાં મદદ કરશે. ઉલ્લેખનીય છે કે જો યુઝર જિયોના નવા 259 રૂપિયાવાળા માસિક પ્લાનથી 5 માર્ચે રિચાર્જ કરાવે છે તો યુઝરને બાકી રિચાર્જ 5 એપ્રિલ, 5 મે અને 5 જૂન જેવી તારીખો પર કરાવવુ પડશે. જેમાં યુઝરને ફક્ત 5 તારીખ યાદ રાખવી પડશે અને દર મહિને આ તારીખ પર રિચાર્જ કરવુ પડશે. 

કેવીરીતે કામ કરશે આ નવો પ્લાન 

Jioના બાકી પ્રીપેડ પ્લાનની જેમ 259 રૂપિયાવાળા પ્લાનને પણ એક વખતમાં ઘણી વખત રિચાર્જ કરી શકાય છે. એડવાન્સ રિચાર્જ પ્લાન એક કતારમાં જતો રહે છે અને ઓટોમેટિક નક્કી કરેલી તારીખે એક્ટિવ થાય છે. જેને પગલે ઘણા પ્રકારની પરેશાનીથી બચી શકાય છે અને ટૂંક સમયમાં રિચાર્જ કરવાની ઝંઝટ પણ સમાપ્ત થાય છે. ઉલ્લેખનીય છે કે આ પ્લાન ઑનલાઈન અને ઑફલાઈન ચેનલ દ્વારા નવા અને હાલના બંને યુઝર્સ માટે તૈયાર છે. 259 રૂપિયાવાળા પ્લાનની સુવિધા વિશે વાત કરીએ તો તેમાં દરરોજ 1.5GB ડેટા આપવામાં આવે છે અને ડેટા સમાપ્ત થયા બાદ 64Kbpsની સ્પીડ થઇ જશે.