મુંબઈ: રિલાયન્સ જિયોએ વધુ એક ક્રાંતિનો પાયો નાંખ્યો છે. ભારતની લોકપ્રિય ટીવી એપ જિયો ટીવીએ નવી પહેલ કરી છે. ભારતના પ્રથમ ઇન્ટરએક્ટિવ સ્પોર્ટ્સ અનુભવનો પ્રારંભ કરવાની જાહેરાત કરી હતી.
હમણાં ત્રણ દેશો વચ્ચે શ્રીલંકામાં ચાલી રહેલ T20 ક્ષેણી નિદહાસ ટ્રોફીનું Live પ્રસારણ ભારતમાં જિયોની ટીવી એપ પર કરવામાં આવી રહ્યું છે. જીયો ટીવી એપના દર્શકો ક્રિકેટ જોતા સમયે ઇન્ટરએક્ટિવ સ્પોર્ટ્સનો અનુભવ કરી શકે છે.
કેવી રીતે ક્રિકેટ જોઇ શકશો અને કેવા થશે અનુભવ?
- ક્રિકેટ તમે પાંચ અલગ-અલગ એંગલના કેમેરામાંથી પોતાની પસંદના એંગલથી જોઇ શકશો મેચ
- સ્ટમ્પ માઇક અને સ્ટેડિયમના અવાજો પણ સાંભળી શકશો
- હિન્દી અંગ્રેજી તમિલ તેલુગુ અને કન્નડ આમ પાંચ ભાષાઓમાં કોમેન્ટરી સાંભળી શકશો
- ઝહીરખાન નેહરા ગૌરવ કપૂર અને પ્રખર ક્રિકેટ એક્સપર્ટને સાંભળી શકશો
- તમારી ઇચ્છા હોય ત્યારે એક જ ક્લિક કરી જોઇ શકાશો સ્કોર
- તમે કોઇ વસ્તુ જોવાની ચૂકી ગયા હોવ તો પણ આગળનું કન્ટેન્ટ ફરી જોઇ શકશો
જિયો એક પછી એક કંઇક અલગ વસ્તુ રજૂ કરી રહ્યું છે. ફરીવાર જિયોએ ટેકનોલોજીની શક્તિ તેના ગ્રાહકોના હાથમાં મૂકીને તેમને વર્તમાન સ્થિતિને પડકારવા સક્ષમ બનાવ્યા છે. અત્યાર સુધી દર્શકો માત્ર પ્રસારણ કર્તા દ્વારા નક્કી કરવામાં આવેલ વિડિયો કોમેન્ટરી તથા સ્કોરબોર્ડ જોઇ શકતા અને સાંભળી શકતા હતા. પરંતુ હવે ડિજીટલ ઇન્ટરએક્ટિવિટીથી ખેલજગતને માણવાના અનુભવમાં પાયામાંથી પરિવર્તન આવશે.
રિલાયન્સ જિયોના ડાયરેક્ટર આકાશ અંબાણીએ આ નવા ફિચર્સને લઇ નિવેદન આપ્યું હતું. તેમણે કહ્યું કે ભારતમાં રમત-ગમત જે રીતે માણો છો તેમાં ઇન્ટરએક્ટિવિટીથી પરિવર્તન કરવામાં આવશે. જિયો તેના ગ્રાહકોને જિયો એપના માધ્યમથી સૌથી પ્રિમિયમ કન્ટેન્ટ તેના ગ્રાહકો સુધી પહોંચાડતું રહેશે.
વધુમાં તેમણે જણાવ્યું કે અમે ટેકનોલોજીની મદદથી વર્તમાન પરિસ્થિતિને પડકારી છે. વપરાશકર્તાના વર્તમાન અનુભવને પુનઃવ્યાખ્યાયિત કર્યો છે. જિયો સ્પોર્ટ્સ એ.આર. વી.આર. ઇમેર્સીવ વ્યૂઈંગ અને અનેક ક્ષેત્રોમાં આગામી દિવસોમાં ગ્રાહકોને ઉત્તમ અનુભવ પૂરા પાડવાનું કાર્ય કરતા રહીશું.
મહત્વનું છે કે જિયોટીવીનો ઉપયોગ કરતા ગ્રાહકોને નવું વર્ઝન અપડેટ કરવું પડશે. બેસ્ટ મોબાઇલ વિડિયો કન્ટેન્ટ માટે તાજેતરમાં જ પ્રતિષ્ઠિત ગ્લોબલ મોબાઇલ (ગ્લોમો) એવોર્ડ 2018 મેળવનાર જિયોટીવીએ નિદહાસ ટ્રોફીના પ્રસારણ માટેના ડિજીટલ હકો મેળવ્યા છે. ત્રિકોણીય ટી-20 સ્પર્ધા શ્રીલંકામાં માર્ચ 6થી માર્ચ 18 દરમિયાન ભારત શ્રીલંકા અને બાંગ્લાદેશ વચ્ચે રમાઈ રહી છે. આ સ્પર્ધાનું પ્રસારણ જિયોટીવી પર સાંજે 6:15 વાગ્યાથી શરૂ થાય છે.