ચીન / જિનપિંગની તબિયતને જોઈને ચીનમાં ફફડાટ પેઠો, વીડિયો વાયરલ થતાં ચિંતા વધી

શી જિનપિંગને એટલી બધી ઉધરસ આવતી હતી કે મીડિયાના તમામ કેમેરા તેમનાથી દૂર થઈ ગયા હતા. જોકે આ દરમિયાન કેમેરા પર શી જિનપિંગના ઉધરસ ખાવાનો ઓડિયો સતત રેકોર્ડ થતો રહ્યો હતો. આ સમગ્ર ઘટનાક્રમ બાદ ઝડપથી એવા અહેવાલો ફેલાઈ રહ્યા છે કે શી જિનપિંગ ક્યાંક કોરોના મહામારીની ઝપેટમાં તો નથી આવ્યા ને?

હોંગકોંગના એક અખબારે લખ્યું કે, શેન્જેનમાં ઘટેલી ઘટના (શી જિનપિંગને સતત આવતી ઉધરસ)થી ચીફ એક્ઝિક્યુટિવ કેરી લેમ એટલા દહેશતમાં આવી ગયા કે તેમણે શી જિનપિંગથી અંતર બનાવી લીધુ હતું. જિનપિંગ વારંવાર ઉધરસ ખાતા હતા અને તેને રોકવા પાણી પણ પીતા હતા. 

ચીનના વુહાન શહેરથી ફેલાયેલા ઘાતક કોરોના વાઈરસે દુનિયાભરના અનેક નેતાઓને પોતાની ઝપેટમાં લઈ લીધા. અમેરિકાના પ્રમુખ ડોનાલ્ડ ટ્રમ્પ, બ્રિટનના વડા પ્રધાન બોરિસ જ્હોનસન, ઝેર બોલસોનારો, બોલિવિયા, ગ્વાટેમાલા, હોન્ડુરાસના રાષ્ટ્રપતિ, અને આર્મેનિયાના વડા પ્રધાન  કોરોનાથી સંક્રમિત થઈ ચૂક્યા છે. હવે એવી અટકળો છે કે આ સૂચિમાં શી જિનપિંગનું નામ પણ સામેલ થઈ શકે છે. 

જોકે તેની શક્યતા હાલ ઓછી છે કારણ કે ચીન પારદર્શિતા માટે જાણીતું નથી. જ્યારે કોરોના વાઈરસ પહેલીવાર ફેલાયો ત્યારે પણ શી જિનપિંગ રહસ્યમય રીતે ગાયબ થઈ ગયા હતા.