ધારાસભ્યોના પગાર વધારા મામલે કોંગ્રેસના ધારાસભ્ય જીગ્નેશ મેવાણીએ પ્રતિક્રિયા આપી છે. જીગ્નેશ મેવાણીએ સોશિયલ મીડિયા પર પોસ્ટ કરીને પ્રતિક્રિયાઆપી છે કે બધાની સાથે મારો પગાર વધ્યો છે. પગાર વધવાના કારણે હું ખુશ છું. ધારાસભ્યોનો પગાર વધારો સારી વાત છે.
મહત્વનુ છે કે છેલ્લા ઘણા સમયથી જીગ્નેશ મેવાણી ફિક્સ પગાર મામલે લડત ચલાવી રહ્યા છે અને હવે ધારાસભ્યોના પગારમાં વધારો થતા મેવાણીનો બેવડો ચેહરો સામે આવ્યો હતો. પગાર વધારાનો વિરોધ કરવાને બદલે મેવાણીએ પગાર વધારાને સ્વીકાર્યો છે.
વિધાનસભામાં મેવાણી અલગ જ અંદાજ તરીકે જોવામાં મળે છે. ઉલ્લેખનીય છે કે ધારાસભ્ય બન્યા પહેલા મેવાણીએ ધારાસભ્યોના પગાર વધારાનો વિરોધ કર્યો હતો. જીગ્નેશ મેવાણી ધારાસભ્ય બન્યા પહેલા પગાર વધારાનો વિરોધ કરી ચુક્યા છે અને હવે પોતે ધારાસભ્ય બન્યા બાદ પગાર વધતા તેઓ ખુશ જોવા મળ્યા છે.