લાફાકાંડ / હાર્દિક પર હુમલા બાદ જિગ્નેશ મેવાણીએ કહ્યું- 'આમ... થશે તે દિવસે મોદી-શાહ ખુશી મનાવશે'

કોંગ્રેસના સ્ટાર પ્રચારક હાર્દિક પટેલ પર હુમલો કરવાની ઘટનાને લઈને ધારાસભ્ય જિજ્ઞેશ મેવાણીએ ટ્વીટ કર્યું છે. તેમણે ટ્વિટ કરીને લખ્યું છે કે સતત ધમકીઓ મળવા છતા હાર્દિકની સુરક્ષા ના વધારાઇ. હાર્દિકની સુરક્ષા વધારવાના બદલે પરત લઇ લેવાઇ જેને લઇને આજે આ હુમલો થયો છે. મારા પર પણ ઘણી વખત હુમલો થયો છે. ગુજરાત સરકાર મારી સુરક્ષા નથી વધારી રહી અને ન તો ગુજરાત બહાર મને સુરક્ષા આપી રહી.
 

लगातार धमकियॉं मिलने के बावजूद, @HardikPatel_ की सुरक्षा बढ़ाई नहीं, बल्कि ले ली गई - जिसके कारण आज यह हमला हुआ। मुझ पर भी कई बार हमले हुए हैं और, मौत की भी धमकियॉं मिली है। न तो गुजरात राज्य सरकार ने मेरी सुरक्षा बढ़ाई और न ही गुजरात के बाहर मुझे सुरक्षा प्रदान की।(1/2)

— Jignesh Mevani (@jigneshmevani80) April 19, 2019

"સુરક્ષાના અભાવે હુમલો"
સતત ધમકી મળતી હોવા છતા હાર્દિક પટેલની સુરક્ષા વધારવામાં ન આવી પરંતુ હતી તે પણ હટાવવામાં આવી. જેના લીધે આજે આ હુમલો થયો છે. મારા પર પણ કેટલીવાર હુમલો થયો છે. મોતની ધમકી પણ આપવામાં આવી છે. ન તો ગુજરાતની રાજ્ય સરકારે મારી સુરક્ષા વધારી અને ન તો ગુજરાત બહાર મને સુરક્ષા પ્રદાન કરી. જે દિવસે અમારામાંથી કોઈને મારી નાખવામાં આવશે તે દિવસે નરેન્દ્ર મોદી અને અમિત શાહ ખુશી મનાવશે. 

 

जिस दिन हम में से किसी को मारा जाए, @narendramodi और @AmitShah तो ख़ुशी मनाएँगे. (2/2)

— Jignesh Mevani (@jigneshmevani80) April 19, 2019

અત્રે ઉલ્લેખનીય છે કે, વઢવાણ તાલુકાના બલદાણા ગામે કોંગ્રેસના લોકસભાના ઉમેદવાર સોમાભાઈ પટેલના પ્રચાર માટે હાર્દિક પટેલની જાહેર સભાનું આયોજન કરવામાં આવ્યું હતું. ત્યારે હાર્દિક પટેલ સ્ટેજ પર પ્રવચન કરી રહ્યા હતા તે સમયે સ્ટેજ પર આવી એક શખ્સે હાર્દિક પટેલને જાહેરમાં લાફા ઝીકતા દોડધામ મચી જવા પામી હતી.
ત્યારે લાફા ઝિકનાર શખ્સને ઉપસ્થિત ગ્રામજનો અને પાટીદાર સમાજના આગેવાનો સહીત મહિલાઓએ ઢોર મારમારી અર્ધ નગ્ન હાલતમાં ગંભીર ઈજાઓ પહોંચાડી હતી. આ બનાવની જાણ થતા જ પોલીસ કાફલો આવી પહોંચ્યો હતો અને લાફા ઝિકનાર શખ્સને છોડાવી સારવાર અર્થે હોસ્પિટલ ખસેડવામાં આવ્યો હતો. તેમજ જાતે જ હાર્દિક પટેલની સભામાં આવ્યો હોવાની કબૂલાત કરી હતી. જ્યારે આ અંગે હાર્દિક પટેલે વઢવાણ પોલીસ મથકે ફરિયાદ નોંધાવી હતી.