પોલીસ વાનમાં બેસેલા જિગ્નેશ મેવાણીને ચઢ્યો પુષ્પા ફીવર, પોલીસની ગાડીમાં બેસીને કરી પુષ્પા સ્ટાઇલ, સોશિયલ મીડિયામાં વીડિયો થયો વાયરલ
જિગ્નેશ મેવાણીની પુષ્પા સ્ટાઇલ
પોલીસવાનમાં બેસીને કરી પુષ્પા સ્ટાઇલ
વીડિયો સોશિયલ મીડિયામાં થયો વાયરલ
ગુજરાતના કોંગ્રેસ સમર્થિત નિર્દલીય ધારાસભ્યને 25 એપ્રિલે આસામની કોકરાઝાર કોર્ટમાંથી જામીન મળ્યા બાદ વધુ એકવાર અસમ પોલીસ દ્વારા અન્ય એક મામલે જિગ્નેશ મેવાણીની ધરપકડ કરવામાં આવી છે. આ કાર્યવાહી દરમિયાન જિગ્નેશ મેવણીની એક વીડિયો વાયરલ થયો છે, જેને સોશિયલ મીડિયામાં ધૂમ મચાવી દીધી છે. આ વાયરલ વીડિયોમાં તેઓ પુષ્પા સ્ટાઇલ કરતા જોવા મળી રહ્યા છે.
મેવાણીની પુષ્પા સ્ટાઇલ
પોલીસ દ્વારા ધરપકડ દરમિયાન જીગ્નેશ મેવાણીનો એક વીડિયો સામે આવ્યો છે. જેમાં તે પુષ્પા સ્ટાઈલમાં ગળા પર હાથ ફેરવતા જોવા મળી રહ્યા છે.
આ વીડિયોમાં જોવા મળી રહ્યું છે કે જિગ્નેશ પોલીસ વાનમાં છે અને તેની બાજુમાં પોલીસકર્મીઓ પણ બેઠા છે. આ દરમિયાન, તે 'પુષ્પા... ઝકેગા નહીં...' ની સ્ટાઈલ કરતા જોવા મળે છે. આ વીડિયોમાં પુષ્પા ફિલ્મના ડાયલોગને પણ ઓડિયો વર્ઝનમાં મિક્સ કરવામાં આવ્યો છે.
ફરીવાર કેમ થઇ જિગ્નેશ મેવાણીની ધરપકડ ?
મહત્વનું છે કે જિગ્નેશ મેવાણી પર એક મહિલા પોલીસકર્મીએ એસ્કોર્ટિંગ દરમિયાન છેડતી અને અભદ્ર વર્તનનો કેસ દાખલ કર્યો હતો. આવી સ્થિતિમાં, વિવાદાસ્પદ ટ્વિટ કેસમાં જિજ્ઞેશને જામીન મળ્યા ત્યારે મહિલા પોલીસકર્મીની છેડતીના કેસમાં તેની ધરપકડ કરવામાં આવી હતી.
કયા કેસમાં જામીન મળ્યા હતા ?
વડગામના કોંગ્રેસ સમર્થિત ધારાસભ્ય, જીગ્નેશ મેવાણીને PM નરેન્દ્ર મોદી વિરુદ્ધ વાંધાજનક ટિપ્પણી કરવા બદલ 21 એપ્રિલે મોડી રાત્રે ગુજરાતના પાલનપુર સર્કિટ હાઉસમાંથી આસામ પોલીસે ધરપકડ કરી હતી. ગુજરાતમાંથી ધરપકડ કરીને આસામના કોકરાઝાર લઈ જવામાં આવ્યો હતો. જ્યાં તેને 25 એપ્રિલે કોર્ટમાં રજૂ કરવામાં આવ્યો હતો. તેને જામીન મળી ગયા હતા. પરંતુ તે જ દિવસે ફરીથી તેની ધરપકડ કરવામાં આવી હતી.