Vadgam ના ધારાસભ્ય Jignesh Mevani પોલીસની ગાડીમાં Pushpa સ્ટાઈલ Video વાયરલ થઈ ગયો છે જેને લઈને ભાજપ યુવા મોરચા અધ્યક્ષ પ્રશાંત કોરાટે પ્રતિક્રિયા આપી હતી.
જીગ્નેશ મેવાણીનો પુષ્પા સ્ટાઈલમાં Video વાયરલ
આજે આસામમાં જમીન મળ્યા બાદ બીજી વખત થઈ ધરપકડ
ભાજપના પ્રશાંત કોરાટે આપી પ્રતિક્રિયા
ભાજપા સરકારના અત્યાચાર સામે પુષ્પાની ફિલ્મની સ્ટાઈલમાં ઝુકેગા નહી સાલા દલિત નેતા જીગ્નેશ મેવાણીના વાયરલ વિડીયો સામે આજે ભાજપ યુવા મોર્ચાના અધ્યક્ષ પ્રશાંત કોરાટે પ્રતિક્રિયા આપી હતી.
મેવાણીએ જ બાબા સાહેબ આંબેડકરનું અપમાન કર્યુ
તેમણે કહ્યું હતું કે અફઝલ ગુરૂને સમર્થન કરનારી ટૂકડે ટૂકડે ગેંગનાં સમર્થક જીગ્નેશ મેવાણીએ જ બાબા સાહેબ આંબેડકરનું અપમાન કર્યુ હોવાના આક્ષેપ તેમણે કર્યા હતા. ઉલ્લેખનીય છે કે પ્રશાંત કોરાટ આઝાદી કા અમૃત મહોત્સવ યાત્રા લઈને નવસારી પહોંચ્યા હતા.
ગુજરાત વિધાનસભા ચુંટણી પૂર્વે ગુજરાતના યુવાનોને ભાજપની વિચારધારા સાથે જોડવા અને નવ ભારત, આત્મનિર્ભર ભારતના સંદેશ પહોંચાડવા ભાજપ યુવા મોર્ચા દ્વારા કાઢવામાં આવેલી આઝાદી કા અમૃત મહોત્સવ બાઇક યાત્રા આજે ૨૦ માં દિવસે નવસારી પહોંચી હતી. નવસારી પહોંચેલા યુવા મોર્ચાના અધ્યક્ષ પ્રશાંત કોરાટે દલિત નેતા જીગ્નેશ મેવાણી અને આદિવાસી નેતા અનંત પટેલ પર શાબ્દિક પ્રહારો કર્યા હતા.
બાબા સાહેબ આંબેડકરનું અપમાન કર્યાનો આક્ષેપ
જીગ્નેશ મેવાણીનો પુષ્પા સ્ટાઈલમાં ઝુકેગા નહી સાલા વિડીયો વાયરલ થયો છે, જે અંગે પ્રતિક્રિયા આપતા પ્રશાંત કોરાટે જીગ્નેશે જ બંધારણના ઘડવૈયા બાબા સાહેબ આંબેડકરનું અપમાન કર્યુ હોવાના આક્ષેપો કાર્ય હતા.
આ વખતે મેવાણી વડનગરમાંથી નહી જીતે
જયારે ભારતની સર્વોચ્ચ અદાલતે અફઝલ ગુરૂને ફાંસીની સજા સંભળાવી, ત્યારે જીગ્નેશ મેવાણીએ ટૂકડે ટૂકડે ગેંગને સમર્થન કર્યુ હતુ. તેમણે આ વખતે મેવાણી વડનગરમાંથી નહી જીતે તેવો આશાવાદ પણ વ્યક્ત કર્યો હતો. જયારે આદિવાસી વિસ્તારમાં મળેલા ભવ્ય સમર્થન બાદ તાપી-પાર-નર્મદા રીવર લિંક પ્રોજેક્ટ સામે આંદોલન કરી રહેલા અંનત પટેલ ભોળા આદિવાસીઓને ગુમરાહ કરી રહ્યા હોવાના આક્ષેપ સાથે જ ચુંટણીમાં આદિવાસીઓ જડબાતોડ જવાબ આપશે તેવી વાત કરી હતી.