જિગ્નેશ હાર્દિક અલ્પેશ સામે ફરિયાદના મામલે ત્રણેય નેતા અને પોલીસ વચ્ચે સમાધાન થયું છે. SP સાથેની તેમની મુલાકાત દોઢ કલાક ચાલી હતી. આ બેઠક બાદ જીગ્નેશ હાર્દિક અલ્પેશ SP ઓફિસ સામે ધરણા પર બેઠા હતા. આ ત્રણેય નેતાઓ સાથે મોટી સંખ્યામાં SP કચેરીના ગેટની બહાર સમર્થકો ઉપસ્થિત હતા.
ત્રણેય યુવા નેતા SP કચેરી બહાર ધરણા પર બેઠા હતા. આ દરમ્યાન ગાંધીનગર SP કચેરી ખાતે અલ્પેશ ઠાકોરે નિવેદન આપતા કહ્યુ હતુ કે '2 કલાકમાં ગાંધીનગર SP ફરિયાદી મહિલાના પતિને બુટલેગર જાહેર કરે LCBને સમગ્ર મામલે આ બાબતે તપાસ સોંપાઈ છે અને જો મહિલાના પતિને બૂટલેગર જાહેર નહીં કરાય તો ધામા નાખીશું તેવી ચીમકી ઉચ્ચારી હતી.
પરેશ ધાનાણીએ પણ ગાંધીનગર SP સાથે મુલાકાત કરી હતી. આ દરમ્યાન મહિલાનું બેક ગ્રાઉન્ડ ક્રિમીનલ હોવાનું SPએ કબુલ્યું હતુ. તેમણે વધુમાં જણાવ્યુ હતુ કે અગાઉ પણ મહિલા અને તેના પતિ વિરુદ્ધ ગુના નોંધાયા છે. આ મામલે તપાસ કરતા મહિલાના પતિ વિરુદ્ધ ગુના દાખલ થયાનું સામે આવ્યું છે. કેસમાં બધા તથ્યોને ધ્યાને લઇ તપાસ કરાશે.SPના નિવેદન બાદ ત્રણેય યુવા નેતાઓએ ધરણા પૂર્ણ કર્યા હતા. આમ જનતા રેડનો મામલો થાળે પડ્યો હતો. ત્રણેય યુવા નેતાઓની ઉગ્રતા સામે SP જુક્યા છે. SPએ મહિલાના ગુનાહિત ઇતિહાસની વાત પણ સ્વિકારી હતી. પરેશ ધાનાણીની મધ્યસ્થમાં SPએ નમતુ જોખ્યું હતું. યુવા નેતાઓના ધરણા પૂર્ણ થતા આખરે પરિસ્થિતિ થાળે પડી હતી.
ઉલ્લેખનીય છે કે હાર્દિક અલ્પેશ અને જિગ્નેશ ત્રણેય યુવા નેતાઓએ કરેલી જનતા રેડ બદલ તેમના પર થયેલી ફરિયાદના મામલે ત્રણેય યુવા નેતાઓ ગાંધીનગર SP કચેરીએ સરેન્ડર કરવા પહોચ્યા હતા. ત્રણેય નેતાઓ મોટી સંખ્યામાં સમર્થકો સાથે ગાંધીનગર SP કચેરી ખાતે પહોંચ્યા હતા. આ ઘટનાને પગલે SP કચેરી પર પોલીસનો ચૂસ્ત બંદોબસ્ત ગોઠવાયો હતો.
ત્રણેય નેતા સામે જનતા રેડ કરવા બદલ ફરિયાદ દાખલ થઈ હતી ગાંધીનગરમાં મહિલાના ઘરમાં કરેલ જનતા રેડ મુદ્દે હાર્દિક અલ્પેશ અને જિગ્નેશ વિરુદ્વ ફરિયાદ દાખલ થઈ હતી. ગાંધીનગર સેકટર 21 પોલીસ સ્ટેશનમાં ફરિયાદ નોંધાઈ હતી. જનતા રેડ મુદ્દે મહિલાએ ઘરમાં ગેરકાયદેસર પ્રવેશ અને ઉદ્વતાઈપૂર્વક વર્તન અને ખોટા પુરાવા ઉભા કરવા મુદ્દે ફરિયાદ દાખલ કરાવી હતી.