સુરતઃ બુલેટ ટ્રેન જમીન સંપાદનને લઈને બેઠક યોજાઈ હતી. જીકાના અધિકારી અને ખેડૂતો વચ્ચે બેઠક યોજાઈ હતી. જીકાના અધિકારીઓએ સુરત-નવસારીમાં ખેડૂતો સાથે બેઠક કરી હતા. આ બેઠક બાદ જંત્રીના ભાવો મુજબ યોગ્ય વળતરની જાહેરાત પણ કરાઈ હતી.
મહત્વનુ છે કે બુલેટ ટ્રેન પીએમ મોદીનું ડ્રીમ પ્રોજેક્ટ છે. બુલેટ ટ્રેન જમીન સંપાદન મામલે દક્ષિણ ગુજરાતના ખેડૂતો વિરોધ કરી રહ્યા છે. દક્ષિણ ગુજરાતના ખેડૂતો યોગ્ય વળતરની માગ કરી રહ્યા છે. ત્યારે ખેડૂતોના પ્રશ્નોને સાંભળવા જાપાનથી જીકાનું પ્રતિનિધિ મંડળ આવ્યું હતું.
જીકા કંપનીના અધિકારીઓની ખેડૂતો સાથે બેઠક
જીકા કંપનીના અધિકારીઓએ વિરોધ કરી રહેલા ખેડૂતો અને ગ્રામજનોની મુલાકાત લીધી હતી. સુરતના કઠોર ગામે અધિકારીઓએ ગ્રામજનો અને ખેડૂતો સાથે બેઠક યોજતા તેમના મુદ્દાઓ જાણ્યા હતા.
ખેડૂતોની માગ કરી હતી કે જમીન સંપાદનનું તેમને યોગ્ય વળતર આપવામાં આવે છે. સરકાર દ્વારા જે વળતર આપવામાં આવી રહ્યું છે તે ખુબ ઓછું છે. જેથી યોગ્ય વળતર આપવામાં નહીં આવે ત્યાં સુધી જમીન નહીં આપીએ.