બોલિવૂડમાં સાજિદ ખાન એક ડાયરેક્ટર છે જેમના ઉપર એક કરતા વધારે અભિનેત્રી દ્વારા જાતીય શોષણનો આરોપ લગાવવામાં આવ્યો છે. આ આક્ષેપોને કારણે સાજીદની કારકિર્દી પર પણ નકારાત્મક અસર જોવા મળી હતી.
ફિલ્મ ડાયરેક્ટર સાજીદ ખાન પર લાગ્યો ગંભીર આક્ષેપ
જીયા ખાનની બહેને કહ્યું શુટિંગ દરમિયાન સાજીદ ખાને જીયાને કપડા ઉતારવા કહ્યું હતું
વીડિયો સોશિયલ મીડિયા થયો વાયરલ
તાજેતરમાં આ મામલે દિવંગત અભિનેત્રી જીયા ખાનની બહેને સાજીદ પર સનસનાટીભર્યા આરોપો લગાવ્યા છે. એક ટીવી શોમાં બોલતા જિયા ખાનની બહેને મોટો ખુલાસો કર્યો છે. આ પહેલા વર્ષ 2018 માં કેટલીક મહિલાઓએ સાજિદ ખાન પર જાતીય શોષણના ગંભીર આક્ષેપો કર્યા હતા.
જીયા ખાનની બહેન કરિશ્માએ કર્યો ખુલાસો
જીયા ખાનની બહેન કરિશ્માના જણાવ્યા મુજબ સાજીદે જીઆને જાતીય સતામણી કરી હતી. ખરેખર, કરિશ્માએ જિયા ખાન વિશે બીબીસીને ઇન્ટરવ્યુ આપતી વખતે આ વાતો કહી હતી. કરિશ્માએ કહ્યું, "રિહર્સલનો સમય હતો અને જિયા સ્ક્રિપ્ટ વાંચતી હતી. તે જ સમયે સાજીદે જીઆને ટોપ અને બ્રા ઉતારવા કહ્યું. શું કરવું તે સમજી શકી નથી. તેણે કહ્યું કે ફિલ્મનું શૂટિંગ શરૂ થયું નથી ને આ બધુ થઈ રહ્યું છે અને તે ગભરાઇને રડવા લાગી હતી.
આપને જણાવી દઇએ કે, ફિલ્મ 'હાઉસફુલ' ના શૂટિંગ દરમિયાનની આ ઘટના વિશે કરિશ્મા વાત કરી રહી હતી. કરિશ્માના મતે તેની બહેન જિયા ખાન ખૂબ જ મુશ્કેલ સમયમાંથી પસાર થઈ રહી હતી. જો તે સાજિદની હરકતોને કારણે ફિલ્મ છોડે તો તેના પર કરાર તોડવાનો આરોપ મૂકાયો હોત અને બદનામી થઈ હોત. જ્યારે તે ફિલ્મમાં હતી ત્યારે તેણીને જાતીય સતામણી કરવામાં આવી હોત. ખરાબ રીતે ફસાયેલા જીયા ખાને આખરે આ ફિલ્મ પૂર્ણ કરી.