ભારતીય મહિલા ક્રિકેટ ટીમની ખેલાડી ઝૂલન ગોસ્વામી સૌથી વધારે વનડે રમનાર દુનિયાની બીજી મહિલા પ્લેયર બની ચુકી છે.
ઝૂલન ગોસ્વામી સૌથી વધારે વનડે રમનાર દુનિયાની બીજી ખેલાડી
મિથાલી રાજ રમી ચુકી છે સૌથી વધારે વનડે
ઝૂલન 250 વિકેટ લેનાર પહેલી બોલર
ઝૂલન ગોસ્વામીએ બનાવ્યો રેકોર્ડ
ભારતીય મહિલા ક્રિકેટ ટીમની ઝડપી બોલર ઝૂલન ગોસ્વામી પોતાની કરિયરનાં અંતિમ પડાવ પર છે, પરંતુ રેકોર્ડનાં મામલામાં સતત ઈતિહાસ રચી રહી છે. હાલમાં જ તે 250 વન ડે વિકેટ લેનાર દુનિયાની પહેલી બોલર બની હતી. હવે તેણે નવો રેકોર્ડ દાખલ કર્યો છે.
ઝૂલન 200 વન ડે રમનાર દુનિયાની બીજી મહિલા ક્રિકેટર બની ગઈ છે. તેણે આ ઉપલબ્ધિ ન્યૂઝીલેંડમાં રમવામાં આવી રહેલ વર્લ્ડ કપમાં ઓસ્ટ્રેલિયા વિરુદ્ધ મેચમાં ઉતરતા સાથે જ મેળવી લીધી હતી.
મિથાલી રાજ રમી ચુકી છે સૌથી વધારે વનડે
મહિલા ક્રિકેટમાં સૌથી વધારે વનડે રમવાનો રેકોર્ડ ભારતની જ મિથાલી રાજનાં નામે છે. તેમણે અત્યાર સુધી 230 વનડે રમી છે. મિથાલી હાલના વર્લ્ડ કપમાં ટીમ ઇન્ડિયાની કપ્તાની સંભાળી રહી છે. ત્રીજા નંબર પર ઇંગ્લેન્ડની પૂર્વ ક્રિકેટર કાર્લોટ એડવર્ડસ છે, જેણે 191 વનડે રમી છે.
ઝૂલન 250 વિકેટ લેનાર પહેલી બોલર
ઝૂલન ગોસ્વામી ઓસ્ટ્રેલિયા વિરુદ્ધ મુકાબલા પહેલા 199 વનડેમાં 250 વિકેટ લઇ ચુકી છે. આ પ્રકારે તે ક્રિકેટ કરિયરમાં 250 વિકેટ લેનાર દુનિયાની પહેલી બોલર બની ચુકી છે. આ ઉપલબ્ધિ તેણે ઇંગ્લેન્ડ વિરુદ્ધ મુકાબલામાં મેળવી હતી. આ મેચ પણ વર્લ્ડ કપ હેઠળ જ રમવામાં આવી હતી.