બોલિવુડનાં અભિનેતા જ્હોન અબ્રાહમ આજે પોતાની નવી ફિલ્મ અટેકનાં પ્રમોશન માટે અમદાવાદ આવ્યા હતા, જે 1 એપ્રિલનાં રોજ રિલીઝ થવા જઈ રહી છે. તેમણે સાયન્સ સીટીની મુલાકાત લીધી. તેમની નવી ફિલ્મ અટેક રિલીઝ થવા જઈ રહી છે. આ ફિલ્મ આર્ટીફીશીયલ ઈન્ટેલીજન્સ પર આધારિત છે. આ ફિલ્મ વિષે વાત કરતા તેઓ કહે છે કે તેમની આ ફિલ્મ કોઈ સાઈન્સ ફિક્શન નથી પરતું તે રિયાલીટી પર આધારિત છે.આજની તારીખમાં દુનિયામાં શું થાય છે તે બધું ફિલ્મમાં બતાવવામાં આવ્યું છે.તેઓ કહે છે કે DRDO પણ ઇન્ડિયન આર્મી રોબોટ બનાવી રહ્યું છે અને કે દિવસ ઇન્ડિયન આર્મી પાસે પણ સુપર સોલ્જર્સ હશે. આ ફિલ્મમાં તેઓ અર્જુન શેરગીલનું પાત્ર ભજવી રહ્યા છે, જેની પાસે એક ચિપ હોય છે જેનું નામ ઈરા છે અને ફિલ્મમાં જે કંઈપણ એક્શન છે તે બધું ઈરા દ્વારા જ થાય છે.
સાયન્સ સિટીના કર્યા વખાણ
જ્હોન અબ્રાહામ સાયન્સ સિટીના વખાણ કરતા કહે છે કે હું તો સાઈન્સ સીટી જોઇને ચોંકી ગયો કે ટેકનોલોજી કેટલી આગળ આવી ગઈ છે. તેમણે સાયન્સ સિટીમાં કરીને રોબોટીક્સનાં પેટભરીને વખાણ કર્યા, જે તેમની ફિલ્મનો પણ મુદ્દો છે.
ફિલ્મના બીજા પાર્ટ પર કહી આ વાત
ફિલ્મનાં બીજા પાર્ટને લઈને જ્હોન અબ્રાહમ કહે છે કે ઘણી ફિલ્મોમાં પહેલા પાર્ટની સકસેસને જોઇને પછી બીજો પાર્ટ બનાવવામાં આવે છે પરંતુ મારી ફિલ્મ સાથે એવું નથી. મને અને આ ફિલ્મની ટીમને લાગ્યું કે આ ફિલ્મનો બીજો પાર્ટ આવવો જ જોઈએ, એટલા માટે અમે પહેલાથી જ બીજા પાર્ટની પણ જાહેરાત કરી છે.
ધ કશ્મીર ફાઈલ્સ પર જ્હોનના વિચારો
જ્હોન અબ્રાહમે ફિલ્મ ધ કશ્મીર ફાઈલ્સ પર પોતાના વિચારો વ્યક્ત કરતા કહ્યું કે મેં હજુ આ ફિલ્મ જોઈ તો નથી પણ વિવેક અગ્નિહોત્રી અને ધ કશ્મીર ફાઈલ્સની ટીમને ખૂબ ખૂબ અભિનંદન. આ ફિલ્મ દર્શકોને સિનેમાઘરો સુધી લાવવામાં કામિયાબ રહી છે. આજકાલ OTTની બોલબાલાને કારણે લોકો સિનેમાઘરોમાં જવાનું ઓછું પસંદ કરે છે પરંતુ આ ફિલ્મએ એ કરી બતાવ્યું છે.
એસએસ રાજામૌલીને વિનંતી
જ્હોન અબ્રાહમે RRR વિષે વાત કરતા કહ્યું કે RRR અને તેમની ફિલ્મ અટેકનાં પ્રોડ્યુસર અને ડીસ્ટ્રીબ્યુટર એક જ છે. હું રાજમૌલીને વિનંતી કરું છું કે આ ફિલ્મને પણ પ્રોત્સાહિત કરે. ખાસ કરીને એટલા માટે કેમકે આ ફિલ્મનાં ડાયરેક્ટર નવા છે અને આ ફિલ્મ રિયાલીટી પર આધારિત છે નહીતર આપણે જે અત્યાર સુધી બનાવતા આવ્યા છીએ એ જ પ્રકારની ફિલ્મો બનાવતા રહીશું.
રાજામૌલી સાથે કામ કરવા પર કહી આ મોટી વાત
જ્હોન અબ્રાહમ એસએસ રાજામૌલી સાથે કામ કરવા પર કહે છે કે તેઓ નવા ડાયરેક્ટર સાથે કામ કરવાનું પસંદ કરે છે. જો એસએસ રાજામૌલી જેવા મોટા ડાયરેક્ટર સામેથી તેમની પાસે આવે તો એ તેમનું સૌભાગ્ય રહેશે, પરંતુ તેઓ ક્યારેય તેમની સામે હાથ જોડીને કામ ન માંગી શકે.
અમદાવાદનાં કર્યા વખાણ
જ્હોન અમદાવાદનાં વખાણ કરતા કહે છે કે અમદાવાદ તેમના માટે લકી રહ્યું છે. તેમનો મિત્ર પણ અમદાવાદમાં રહે છે. સાથે તેમણે ગુજરાતી ફૂડ પણ ખ્હોબ જ પસંદ છે અને અહી એક પોઝીટીવીટી અનુભવાય છે.