BIG BREAKING / ઝારખંડમાં ભીષણ અકસ્માતમાં 10નાં મોત: ટ્રક સાથે ટક્કર બાદ બસના ફૂરચાં ઊડી ગયા, રસ્તા પર વિખરાયા મુસાફરોના શબ

• ઝારખંડમાં ભયંકર અકસ્માત, 10નાં મોત 
• રસ્તા પર પથરાયાં મુસાફરોનાં પાર્થિવ દેહ 
• મરણચીસોથી ગુંજી ઉઠ્યો હાઈવે 

ઝારખંડનાં પાકુડમાં બુધવારે સવારે એક ભીષણ અકસ્માત થયો હોવાની જાણકારી સામે આવી છે. પાકુડથી દુમકાને જોડતા રસ્તા પર ઠંડીની સવારમાં ટ્રક અને બસ વચ્ચે ભીષણ ટક્કર થઈ જેમા બસમાં સવાર 40થી વધારે યાત્રિકોને ઈજા પહોંચી હતી. 

ટક્કર એટલી ભયાનક હતી કે બસનાં ફૂરચાં ઊડી ગયા હતા અને બસને કાપીને લોકોના પાર્થિવ દેહ બહાર કાઢવાની નોબત આવી હતી. સ્થાનિક લોકોનાં જણાવ્યા અનુસાર લોકો અત્યંત ભયંકર રીતે ઘાયલ હોવાથી મૃતકોની સંખ્યા વધવાની પણ આશંકા છે. 

ઘટના બાદ સ્થાનિક પોલીસ અને હેલ્થ સ્ટાફ ઘટનાસ્થળે પહોંચી ગયા હતા અને શબોને પોસ્ટમૉર્ટમ માટે મોકલી દેવામાં આવ્યા છે. હજુ સુધી માર્યા ગયા લોકોની ઓળખ થઈ શકી નથી અને ઈજાગ્રસ્તોની સારવાર બીજી તરફ કરવામાં આવી રહી છે.