‘તુમ ઝારખંડ કે રહને વાલે હો, મૈં ભી ઝારખંડ કા રહને વાલા હૂં’ કહીને ગિઠયાએ યુવક સાથે વાતચીત શરૂ કરી. ચા પીવા બંને સાથે ગયા ત્યારે યુવકે કેફી દ્રવ્ય ચામાં ભેળવી યુવકને પીવડાવી દીધું
મુસાફરી વખતે રહો સાવધ
પેસેન્જરના સ્વાંગમાં આવેલો ગિઠયો પાકીટ ચોરી ગયો
અમદાવાદના ચાંદખેડા વિસ્તારમાં રહેતો પરપ્રાંતિય છેતરાયો
જ્યારે પણ ટ્રેન અને બસમાં મુસાફરી કરો ત્યારે કોઇ અજાણ્યા પેસેન્જર પાસેથી નાસ્તો અથવા તો પીણું પીવાનું ટાળજો, કારણ કે તે પેસેન્જરના સ્વાંગમાં લૂંટારુ પણ હોઇ શકે છે. પેસેન્જરના સ્વાંગમાં આવેલા ગિઠયા નાસ્તા અથવા પીણાંમાં કેફી દ્રવ્ય મિલાવીને આપતા હોય છે, જે ખાવા અને પીવાથી બેહોશ થઇ જવાય છે. બેહોશ થતાંની સાથે જ ગિઠયા તમારા કીમતી સરસામાનની ચોરી કરીને નાસી જાય છે અને જ્યારે તમને હોશ આવે છે ત્યારે બહુ મોડું થઇ ગયું હોય છે. અમદાવાદ રેલવે સ્ટેશન પર એક યુવકને ફેકી પીણું પીવડાવીને ગિઠયાએ પાકીટની ચોરી કરી લીધી હતી, જેમાં ૧૮૦૦ રૂપિયા રોકડા અને ડોક્યુમેન્ટ હતા.
ચાંદખેડા વિસ્તારમાં રહેતો પરપ્રાંતિયએ ફરિયાદ નોંધાવી
અમદાવાદના ચાંદખેડા વિસ્તારમાં રહેતા અને મૂળ ઝારખંડના ર૩ વર્ષીય ઉપેન્દ્ર રાણાએ રેલવે પોલીસ સ્ટેશનમાં ચોરીની ફરિયાદ કરી છે. ઉપેન્દ્ર તેના મામા સાથે અડાલજના િત્રમંદિર ખાતે ફિર્નચરનું કામ કરીને પોતાનું અને પરિવારનું ગુજરાન ચલાવે છે. ઉપેન્દ્રના એક વર્ષના પુત્ર અનુજની તિબયત ખરાબ હોવાથી તેણે ઝારખંડ જવાનું નક્કી કર્યું હતું અને બે દિવસ પહેલાં કોલકાતા વીકલી એક્સપ્રેસ ટ્રેનમાં સેકન્ડ ક્લાસની ટિકટ કરાવી હતી. ટિકટમાં વેઇિટંગ હોવાથી ઉપેન્દ્ર કાલુપુર રેલવે સ્ટેશનના પ્લેટફોર્મ નંબર-૩ ઉપર બેઠો હતો.
ગઠિયા કેવી રીતે વાતચીત કરી?
સાજના છ વાગ્યાની આસપાસ એક યુવક કે જેની ડાબા હાથની આંગળી કપાયેલી હતી તે આવ્યો હતો અને તેણે ઉપેન્દ્ર સાથે વાતચીત શરૂ કરી હતી. યુવકે હિન્દીમાં ઉપેન્દ્રને પૂછ્યું હતું કે તુમ ઝારખંડ કે રહને વાલે હો. યુવકની વાતચીત સાંભળતાં ઉપેન્દ્રએ તેનો જવાબ આપ્યો હતો. ત્યારબાદ તે યુવકે પણ કહ્યું હતું કે મૈને ભી ઝારખંડ કા રહને વાલા હૂં. બંને વચ્ચે સામાન્ય વાતચીત શરૂ થઇ હતી અને થોડા સમય બાદ ઉપેન્દ્રએ યુવકને કહ્યું હતું કે મને ભૂખ લાગી છે, જેથી હું નાસ્તો કરીને આવું છું.
રેલવે સ્ટેશન પર શું થયું?
યુવકને પણ ચા પીવાની હોવાથી તે ઉપેન્દ્ર સાથે રેલવે સ્ટેશન બહાર ગયો હતો. ઉપેન્દ્ર નાસ્તો કરતો હતો ત્યારે યુવક બે ચા લઇ આવ્યો હતો. યુવકે આપેલી ચા ઉપેન્દ્રએ અડધી પીધી હતી અને બાકીની ફેંકી દીધી હતી. બંને જણા ચાલતાં ચાલતાં પરત રેલવે સ્ટેશન આવ્યા હતા, જ્યાં યુવકે કહ્યું હતું કે મૈં યહાં પે કપડે બનાને કી ફૈકટ્રીમાં સુપરવાઇઝર હૂં. ઉપેન્દ્રએ યુવકને મોબાઇલ નંબર આપ્યો હતો અને બંને જણા બેસીને વાતચીત કરતા હતા ત્યારે ઉપેન્દ્રને ચક્કર આવવા લાગ્યા હતા.
બે કલાક પછી હોશ આવતાં ચોરી થઈ હોવાનો ભાંડો ફૂટ્યો
ટ્રેન પ્લેટફોર્મ પર આવી જતાં ઉપેન્દ્ર તેમાં બેસી ગયો હતો, જ્યાં તેને ચક્કર આવતા હતા અને તેનું પાકીટ ખિસ્સામાંથી ગાયબ હતું. અર્ધબેભાન હાલત હોવાથી ઉપેન્દ્રને હોશ હતા નહીં, જેથી તે ચાલુ ટ્રેનમાં સૂઇ ગયો હતો. બે કલાક પછી ઉપેન્દ્રને હોશ આવતાં તેના પર્સની ચોરી થઇ હોવાનો ભાંડો ફૂટ્યો હતો. ઉપેન્દ્રએ તરત જ અજાણ્યા યુવકને ફોન કર્યો હતો, જોકે તેનો ફોન સ્વિચઓફ આવતો હતો. યુવકે ઉપેન્દ્રને જે ચા પીવડાવી હતી તેમાં કેફી દ્રવ્ય િમલાવેલું હતું, જેથી તે બેભાન થઇ ગયો હતો, જેનો ફાયદો યુવકે ઉઠાવી ચોરી કરી લીધી હતી. ઉપેન્દ્રએ આ મામલે રેલવે પોલીસને જાણ કરી હતી, જેમાં પોલીસે ગુનો દાખલ કરીને તપાસ શરૂ કરી છે. રેલવે પોલીસે સીસીટીવી કેમેરાના આધારે આરોપીને પકડવા માટેની તજવીજ શરૂ કરી છે.